បង្ហាញភាពផ្អែមល្ហែមក្នុងថ្ងៃកំណើតគូស្នេហ៍ហើយ​ Prang នៅលេងខ្លួនឡើងស៊ីអារម្មណ៍

ថៃ៖ គឺជាគូស្នេហ៍ដ៏ផ្អែមល្ហែមមួយទៀតហើយ រវាងតារាសម្តែងស្រីដ៏ស្រស់ស្អាត Prang Kannarun និងតារាចម្រៀង លោក Twopee ដែលតែងតែមានពេលវេលាដ៏រីករាយមកបង្អួតដល់ហ្វេនៗ នៅក្នុងទំនាក់ទំនងស្នេហាជាង ១០ ឆ្នាំមកនេះ។

ជាពិសេស នៅថ្ងៃកំណើត លោក Twopee តារាស្រី Prang ដែលត្រូវជាគូស្នេហ៍បណ្ដូលចិត្ត បានបង្ហោះឃ្លីបគួរឱ្យស្រលាញ់មួយ រួមជាមួយនឹងពាក្យជូនពរថ្ងៃខួបកំណើតយ៉ាងផ្អែមល្ហែម ខណៈដែលអ្នកទាំងពីរបានឆ្លងកាត់ពីពេលវេលាល្អនិងអាក្រក់ជាមួយនឹងគ្នា ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យចាប់អារម្មណ៍ជាងនេះទៅទៀត ក្នុងឱកាសទទួលទានអាហារពេលល្ងាចរីករាយថ្ងៃខួបកំណើតយ៉ាងរ៉ូមែនទិកជាមួយគ្នា តារាស្រី Prang ក៏បានចេញមកអង្រួនអារម្មណ៍អ្នកទស្សនាជាច្រើន ជាមួយនឹងភាពស្រស់ស្អាតឥតខ្ចោះ តុបតែងខ្លួនយ៉ាងស៊ិចស៊ីក្នុងឈុតខ្មៅវាលទ្រូងដ៏ទាន់សម័យបំផុត។ 

ជាមួយគ្នានេះដែរ អាចនិយាយបានថា មិនត្រឹមតែធ្វើឲ្យហ្វេនៗរំភើបក្នុងការមើលឃើញពីភាពល្អូកល្អើនរបស់អ្នកទាំងពីរប៉ុណ្ណោះទេ តែ Prang ក៏កាន់តែធ្វើឲ្យពួកគេទស្សនាយ៉ាងជក់ចិត្តជាមួយនឹងស្ទាយ៍ថ្មីដ៏ទាក់ទាញថែមទៀត៕

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ