តារាសម្តែងជើងចាស់ Nam Moon Chul បានទទួលមរណភាពក្នុងអាយុ ៤៩ ឆ្នាំដោយសារ...

កូរ៉េខាងត្បូង៖ កាលពីថ្ងៃទី ៤ ខែតុលា ត្រូវបានគេរាយការណ៍មកថា តារាសម្តែងជើងចាស់ Nam Moon Chul បានទទួលមរណភាពក្នុងអាយុ ៤៩ ឆ្នាំ បន្ទាប់ពីតស៊ូជាមួយជំងឺមហារីកពោះវៀនធំ ដោយបានធ្វើឲ្យមហាជន មានការតក់ស្លុតជាខ្លាំង។

យោងតាមសេចក្តីថ្លែងការណ៍ពីក្រុមហ៊ុនគ្រប់គ្រងរបស់តារាសម្តែងរូបនេះ បានទទួលមរណភាពនៅព្រឹកថ្ងៃទី ៤ ខែតុលានេះ។ សពនឹងត្រូវរៀបចំហើយពិធីបុណ្យសពនឹងត្រូវរៀបចំ នៅមន្ទីរពេទ្យ Ilsan ដោយក្បួនដង្ហែនឹងត្រូវធ្វើឡើងនៅថ្ងៃទី ៦ ខែតុលាវេលាម៉ោង ៦ និង ៣០ នាទីព្រឹក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាងតារាប្រុសរូបនេះ បានបង្ហាញខ្លួនជាលើកដំបូងក្នុងឆ្នាំ ២០០២ ជាមួយខ្សែភាពយន្តរឿង «Break Out» ហើយបានបង្ហាញខ្លួននៅក្នុងខ្សែភាពយន្តនិងរឿងល្ខោនជាច្រើនទៀត បានសាងកេរ្តិ៍ឈ្មោះដ៏ល្បី នៅក្នុងអាជីពសម្តែងរបស់លោក។

សូមចូលរួមរំលែកទុក្ខរបស់យើងចំពោះគ្រួសារនៃសព ហើយសូមឱ្យ សូមឲ្យវិញ្ញាណក្ខន្ធរបស់លោកបានទៅកាន់សុគតិភព និងបរមសុខ កុំបីឃ្លៀងឃ្លាតឡើយ៕

ប្រភព៖ Allkpop

សូមទស្សនារូបភាពខាងក្រោម៖

• តារាកូរ៉េ