នេះជាទិដ្ឋភាព ប្រជាពលរដ្ឋសម្រុកទៅស្រុកកំណេីត ពេលនេះ កំពុងស្ទះកកកុញខ្លាំង នៅចំណុចរង្វង់មូល គួចកាណុងជ្រោយចង្វារ

ភ្នំពេញ៖ នៅប៉ុន្មានម៉ោងមុននេះ ទិដ្ឋភាពចរាចរណ៍នៅចំណុចរង្វង់មូលគួចកាណុងជ្រោយចង្វារ និងត្រេីយខាងកេីត គឺមានការកកស្ទះកកកុញខ្លាំង ដោយសារតែអ្នកដំណើរជាច្រើនបានសម្រុកទៅផ្លូវជាតិលេខ៦អា ដើម្បីធ្វើដំណើរកម្សាន្ត និងជាពិសេសទៅស្រុកកំណើតផងដែរ។

ដោយឡែក នៅល្ងាចថ្ងៃទី៤ ខែតុលា ឆ្នាំ២០២១ ខណៈពេលថ្ងៃបុណ្យកាន់បិណ្ឌនឹងបញ្ជប់នៅថ្ងៃនេះហើយ ប្រជាពលរដ្ឋកំពុងសម្រុកធ្វើដំណើរទៅបុណ្យភ្ជុំបិណ្ឌនៅស្រុកកំណើត តាមបណ្តាខេត្ត ដោយប្រេីយាន្តជំនិះផ្ទាល់ខ្លួន។ ភ្ជុំបិណ្ឌឆ្នាំនេះប្រជាពលរដ្ឋជាច្រើន បានងាកមកប្រើប្រាស់យានជំនិះផ្ទាល់ខ្លួន ទៅស្រុកកំណើត​ ដើម្បីកាត់បន្ថយហានិភ័យនៃការឆ្លងជំងឺកូវីដ១៩ និងដើម្បីជួបជុំបងប្អូនក្នុងថ្ងៃបុណ្យភ្ជុំបិណ្ឌនៅស្អែកនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ សូមបងប្អូនទាំងអស់គ្នា ប្រកាន់ខ្ជាប់នូវវិធាន៣កុំ៣ការពារ និងធ្វើដំណើរទៅកាន់ទីជិតទីឆ្ងាយដោយសុវត្ថិភាពផងដែរ៕

​ប្រភព៖ Dyamong Mony

សូមចូលទស្សនារូបភាពខាងក្រោម៖