តើ Justin គឺជាតារាលំដាប់អភិជន ដូចពាក្យគេនិយាយមែនឬ?

អាមេរិក៖ Justin Bieber គឹជាតារាចម្រៀងទោលវ័យក្មេងម្នាក់ដែលជាប់ឈ្មោះក្នងបញ្ជីតារាចម្រៀងលំដាប់សេដ្ឋីផ្សេងៗទៀតដែលមានទ្រព្យច្រើន​ជាងគេបង្អស់ក្នុងពិភពលោក ដោយលោកប្រឡូកក្នុងវិស័យសិល្បៈនេះតាំងពីវ័យក្មេងមកម៉្លេះ។

ជាការពិតណាស់ តារាប្រុសរូបនេះ គឺមានកេរ្តិ៍ឈ្មោះល្បីល្បាញខ្លាំងជាង១០ឆ្នាំមកហើយ ដោយក្នុងរយៈពេលកន្លងមក លោកបានកើបលុយរាប់លានក្នុងឆ្នាំៗ ដោយចំណូលទាំងនោះគឺបានមកពីចម្រៀង ផ្សាយពាណិជ្ជកម្ម ការប្រគុំតន្ត្រីជាដើម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ចូលមកដល់ក្នុងឆ្នាំ២០២១ ទ្រព្យសម្បត្តិ Justin Bieber បានកើនឡើងដល់ ២៨៥លាន​ដុល្លារសហរដ្ឋអាមេរិក ដោយចំណូលរបស់លោកគឺមានច្រើនច្រកផ្សេងៗគ្នាដូចខាងក្រោមនេះ៖

ចំណូលពីការផ្សាយពាណិជ្ជកម្មផលិតផល

Justin Bieber អាចទទួលបានចំណូលប្រចាំឆ្នាំពី៦០លានដុល្លារសហរដ្ឋអាមេរិក ទៅ៨០លានដុល្លារសហរដ្ឋអាមេរិក ដោយមានដៃគូជាផលិតផលយីហោម៉ាកល្បីៗដូចជា៖
Proactiv
Adidas
Walmart 
Beats by Dre
Balenciaga
Calvin Klein និងក្រៅពីនេះលោកក៏បានបង្កើតម៉ាកសម្លៀកបំពាក់ Drew House ដែលជាម៉ាករបស់ខ្លួនផងដែរ។

ចំណូលពីការប្រគុំតន្ត្រី

នៅក្នុងពេលនេះតម្លៃខ្លួន Justin Bieber គឺអាចនឹងឡើងដល់១លានដុល្លារសហរដ្ឋអាមេរិក ក្នុងមួយយប់ ដោយកន្លងមកតារាប្រុសរូបនេះការប្រគុំតន្ត្រីផ្សេងៗ ដោយទ្រព្យសម្បត្តិលោកបានឡើងតាមការប្រគុំតន្ត្រីខាងក្រោម៖

My World ៥៣លានដុល្លារសហរដ្ឋអាមេរិក (អាចនឹងលើសពីនេះ)
Belives  ១១០លានដុល្លារសហរដ្ឋអាមេរិក
Purpose  ២៥០លានដុល្លារសហរដ្ឋអាមេរិក
Changes រំពឹងថារកប្រាក់ចំណូលខ្ទង់រយលានដុល្លារសហរដ្ឋអាមេរិក ក្នុងការប្រគុំនៅឆ្នាំ២០២២
Justice រំពឹងថារកប្រាក់ចំណូលខ្ទង់រយលានដុល្លារសហរដ្ឋអាមេរិក ក្នុងការប្រគុំតន្ត្រីនៅឆ្នាំ២០២២៕

សូមចូលទស្សនារូបភាពខាងក្រោម៖

• យុវវ័យ
• តារាអន្តរជាតិ