ត្រឹមជាតួរាយរង តែ Zhao Liying ត្រូវគេនិយាយបែបនេះ ខណៈចេញថតជាមួយ Angelababy

ចិន៖ ក្នុងរយៈពេលចុងក្រោយមកនេះ​ អាចនិយាយបានថា តារាសម្ដែងស្រី Zhao Liying និង តារាស្រី Angelababy បានក្លាយជាគូប្រជែងដ៏គួរឱ្យកត់សម្គាល់ នៅក្នុងសិល្បៈកម្សាន្ត ជាមួយនឹងសមត្ថភាព ក៏ដូចជារូបសម្រស់ដ៏គួរឲ្យចាប់អារម្មណ៍ ដែលពិបាកនឹងកំណត់ថាអ្នកណាមានភាពលេចធ្លោជាង ព្រមទាំងត្រូវបានប្រៀបធៀបធ្វើឲ្យមានចម្រូងចម្រាសនៅលើបណ្តាញសង្គមជានិច្ច។

ដោយឡែក ថ្មីៗនេះ មានអ្នកសរសេរប្លុកដ៏ល្បីម្នាក់ បានចេញនូវអត្ថបទមួយ បង្ហាញពីរូបភាពចាស់របស់សិល្បករទាំងពីរនាក់នេះ ដែលបានចូលរួមក្នុងរឿងជាមួយគ្នា ដោយកត់សម្គាល់ថា តារាស្រី Angela Baby គឺជាតួឯកស្រីនៅក្នុងខ្សែភាពយន្តនោះ ខណៈដែល Zhao Liying គ្រាន់តែដើរតួជាតួអង្គរងប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ ក្រៅពីបញ្ចេញមតិពីជំនាញសម្តែងរបស់ Zhao Liying ចំពោះរូបសម្រស់មុខមាត់របស់តារាស្រីរូបនេះ ត្រូវបានមហាជនជាច្រើនចាប់អារម្មណ៍ពីភាពទន់ខ្សោយ ស្របពេលបង្ហាញខ្លួនជាមួយនឹង Angelababy ទៅវិញ ។

តែទោះជាយ៉ាងណាក៏ដោយ ថ្វីត្បិតតែពេលនោះ Angelababy មានភាពលេចធ្លោជាង ដោយសារតែមុខតូចនិងសម្រស់ដ៏ស្រស់ស្អាតខណៈដែល Zhao Liying បង្ហាញមុខមាត់មិនឆើតឆាយក៏ពិតមែន តែបច្ចុប្បន្ននេះ បន្ទាប់ពី ៦ ឆ្នាំមកនេះ Zhao Liying ក៏ទទួលបាននូវភាពជោគជ័យយ៉ាងត្រចះត្រចង់ និងត្រូវបានមនុស្សគ្រប់គ្នាសរសើរពីសម្រស់ដ៏ស្រស់ស្អាតឥតខ្ចោះ ព្រមទាំងបានក្លាយជាគូប្រជែងដ៏ខ្លាំងក្លា នៅលើកម្រាលព្រំក្រហមនៅក្នុងព្រឹត្តិការណ៍ជាច្រើន៕

ប្រភពរូបភាព៖ Kenh14

សូមទស្សនារូបភាពខាងក្រោម៖ 

• តារាចិន