ពុទ្ធោ រូបប៉ុន្មានសន្លឹកJisoo ដែលផុសក្នុងIG ស៊ីថ្លៃពីប្រ៊េន Dior ជិត២លានដុល្លារ

កូរ៉េខាងត្បូង៖ ការបង្ហាញខ្លួននៅសប្តាហ៍ម៉ូតប៉ារីស (Paris Fashion Week) របស់សមាជិកបងស្រី Jisoo នៃ ក្រុម BLACPINK បានក្លាយជាការផ្តោតអារម្មណ៍លើបណ្តាញសង្គមគ្រប់ពេលវេលា ពីមជ្ឈមដ្ឋានមនុស្សគ្រប់ជាន់ថ្នាក់ នៃវត្តមានរបស់នាង។

ជាក់ស្តែង រាល់សកម្មភាព របស់តារាស្រីនៅប្រទេសបារាំងបានក្លាយជាប្រធានបទក្តៅ អំពី Jisoo ក៏ដូចជា Dior  បានធ្វើឱ្យពិភពលោករំជើបរំជួលយ៉ាងឆាប់រហ័សឈានដល់ចំណាត់ថ្នាក់លេខ ១ លើវេទិកា នាពេញមួយ ក្នុងថ្ងៃព្រឹត្តឹការណ៍កាលពីខែមុននេះផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ឥទ្ធិពលដ៏អស្ចារ្យរបស់ តារាស្រីរូបនេះ បានបង្កើតឥទ្ធិពលប្រព័ន្ធផ្សព្វផ្សាយយ៉ាងធំធេងនៅលើសកលលោកដោយ ផ្តល់ឱ្យ Dior នូវការចាប់អារម្មណ៍ ដែលមិននឹកស្មានដល់ ពីភាពស្រស់ឆើតឆាយរបស់តារាស្រីរូបនេះតែម្តង។

យ៉ាងណាមិញ តាមប្រភព របាយការណ៍មួយ របស់ Launchmetrics រូបថត ៤ សន្លឹករបស់ សមាជិកក្រុម  BLACKPINK ដែលបានស្លៀកឈុត Dior នៅលើ Instagram ផ្ទាល់ខ្លួនរបស់នាង ត្រូវបានទទួលកម្រៃ ១,៨៤ លានដុល្លារអាមេរិក ពីប្រ៊េនមួយនេះ ក្នុងការផ្សព្វផ្សាយ លើគណនីផ្ទាល់របស់នាង។

តួយ៉ាង ជាមួយនឹងការបង្ហាញខ្លួនដ៏អស្ចារ្យ ដែលពោរពេញទៅដោយភាពទាក់ទាញនៃ Jisoo បានធ្វើឲ្យប្រ៊េន Dior មានការចាប់អារម្មណ៍ជាខ្លាំង លើសពីដៃគូប្រកួតប្រជែងដទៃទៀតដែលមានវត្តមាននៅ Paris Fashion Week ជាពិសេសនោះ ព្រឹត្តឹការណ៍បង្ហាញម៉ូដឆ្នាំនេះ បានបង្ហាញពីឥទ្ធិពលដ៏ធំរបស់ Jisoo នៅលើសកលលោកដែលធ្វើឱ្យអ្នកនិយមលេងអ៉ីនធឺណែតកោតសរសើរគ្រប់ៗគ្នា៕

ប្រភព៖ https://kenh14.vn/

សូមទស្សនារូបភាពខាងក្រោម៖

• តារាកូរ៉េ