មានលុយបើកក្រុមហ៊ុនហើយ Kenny Ho ត្រូវគេរិះគន់ជា ថៅកែកំណាញ់ម៉ៅស្វិត

ចិន៖ ថ្មីៗនេះ យោងតាមប្រភពព័ត៌មានមួយ បានបង្ហាញឲ្យដឹងថា ក្រុមហ៊ុនអាហារសុខភាព ដែលដឹកនាំដោយ តារាសម្ដែងប្រុស លោក Kenny Ho បានបង្ហោះសេចក្ដីប្រកាសរើសបុគ្គលិកនៅលើបណ្តាញសង្គម ហើយខ្លឹមសារជ្រើសរើសបុគ្គលិកចាប់ពីអាយុ ១៨ ទៅ ៥០ ឆ្នាំ ដោយលក្ខខណ្ឌតែមួយគត់គឺ បេក្ខជនត្រូវមានសុខភាពល្អ មានចិត្តធ្វើការយ៉ាងប្រុងប្រយ័ត្ន និងធ្វើតាមការណែនាំរបស់ថ្នាក់លើ។

ប៉ុន្តែអ្វីដែលធ្វើឲ្យមនុស្សជាច្រើនបានកត់សម្គាល់នោះគឺ ប្រាក់ខែនៅការផ្សាយរើសបុគ្គលិកធ្វើការងារគឺទទួលបាន ៣.៥០០ យ័ន(ជាង៥០០ដុល្លា) ដល់ ៥.៥០០ យ័ន ក្នុងមួយខែ ថែមទាំងផ្តល់ជូនការស្នាក់នៅ និងអាហារឥតគិតថ្លៃទៀត។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក បន្ទាប់ពីបានឃើញខ្លឹមសារនៃការជ្រើសរើសបុគ្គលិកនៅក្នុងក្រុមហ៊ុនហើយ តារាប្រុសរូបនេះ បែរជាត្រូវបានមនុស្សជាច្រើន ធ្វើការរិះគន់ ចំពោះការជ្រើសរើសកម្មករក្នុងតម្លៃទាបពេក ហើយព្រមទាំងត្រូវបានពួកគេនិយាយថា តារាសម្តែងរូបនេះគឺមានភាពលោភលន់ ថែមទៀតផង។

តែទោះយ៉ាងណា ក៏មានមនុស្សមួយចំនួនទៀត បានចេញមកការពារ លោក Kenny Ho ហើយបានបកស្រាយថា ថារោងចក្រភាគច្រើននៅក្នុងតំបន់នេះ បានផ្តល់ប្រាក់ឈ្នួលដល់កម្មករដូចគ្នា ឬអាចទាបជាងនេះ។ លើសពីនេះ ពួកគេក៏បានសរសើរទៅលើប្រាក់កំរៃពីក្រុមហ៊ុនរបស់លោក ដែលមានភាពទាក់ទាញគួរឲ្យចាប់អារម្មណ៍ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន