អ៊ិន លក្ខិណា នឹងក្លាយជាស្ត្រីខ្មែរទី១ ទៅចូលរួមប្រកួត Miss Supranational នាពេលខាងមុខ

ភ្នំពេញ៖ បើរម្លឹកកាលពីឆ្នាំ២០១៩ កញ្ញា អ៊ិន លក្ខិណា ធ្លាប់ជាប់ចំណាត់ថ្នាក់លំដាប់រងទី១ក្នុងកម្មវិធី Miss World កម្ពុជាផងដែរ។ ក្រោយបង្ហាញមុខប្រកួតក្នុងកម្មវិធីមួយនេះរួច នាងកាន់តែទទួលបានចាប់អារម្មណ៍ខ្លាំងពីមហាជន និងហ្វេននិយមទស្សនាកម្មវិធីបវរកញ្ញាផ្ទាល់តែម្ដង។ ម្យ៉ាងវិញទៀត គេក៏ឧស្សាហ៍ឃើញតារាស្រីរូបនេះ មានភាពមមាញឹកជាមួយនឹងការងារថតម៉ូតជាហូរហែផងដែរ។

ពិតណាស់ បន្ទាប់ពីជាប់ឈ្មោះជាបវរកញ្ញាលំដាប់រងទី១ក្នុងកម្មវិធី Miss World កម្ពុជា២០១៩ ថ្មីៗនេះនាងបានដាក់ពាក្យចូលរួមប្រកួត Miss Grand កម្ពុជា ២០២១។ ហើយថ្មីៗនេះកម្មវិធី Miss Grand កម្ពុជា ២០២១ ទើបតែប្រកួតចប់ ដោយនាងក៏ទទួលបានជ័យលាភីលំដាប់រងទី១ក្នុងកម្មវិធីមួយនេះ។ ក្នុងនោះដែរ អ្នកគ្រប់គ្រងកម្មវិធី Miss Grand កម្ពុជា បានផ្ដល់សិទ្ធឲ្យកញ្ញា អ៊ិន លក្ខិណា ក្លាយជាបវរកញ្ញា Miss Supranational ២០២២ យ៉ាងគួរឲ្យភ្ញាក់ផ្អើល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង គេដឹងផងដែរថា កញ្ញា អ៊ិន លក្ខិណា ជាបវរកញ្ញាទី១ ដែលត្រូវតំណាងឲ្យស្ត្រីខ្មែរទៅចូលរួមក្នុងការប្រកួត Miss Supranational ២០២២ នាពេលខាងមុខនេះ។ លើសពីនេះទៅទៀត ក្រោយនាងទទួលបានឱកាសនឹងកំពុងត្រៀមខ្លួនសម្រាប់ចូលរួមប្រកួត Miss Supranational ២០២២ ក៏មានប្រិយមិត្ត និងអ្នកគាំទ្រច្រើននាក់បានបង្ហាញនូវក្ដីត្រេកអរយ៉ាងរំភើបជំនួសនាងគ្រប់គ្នា៕

សូមទស្សនារូបភាពខាងក្រោម៖ 

• រូបភាព
• តារាខ្មែរ