មិនខ្វល់ភ្នែកញាតិ! ក្រោយលែងលះស្វាមី Zhao Liying មកស្និទ្ធជាមួយបុរសពីររូបនេះ

ចិន៖ អស់រយៈពេលជិតកន្លះឆ្នាំទៅហើយ ដែលតារាសម្ដែងស្រី Zhao Liying និងអតីតស្វាមី​ បានប្រកាសលែងលះគ្នា និងបានវិលត្រឡប់មករកជីវិតនៅលីវវិញ ព្រមទាំងលែងនិយាយពីគ្នាទៅវិញទៅមក តាមប្រព័ន្ធផ្សព្វផ្សាយផងដែរ ដែលធ្វើឲ្យមហាជនជាច្រើនកាន់តែចង់ដឹងពីជីវិតផ្ទាល់របស់នាង នាពេលបច្ចុប្បន្ននេះ។ 

ដោយឡែក ថ្មីៗនេះ ក្នុងថ្ងៃទី ១១ ខែតុលា តារាស្រី Zhao Liying បានបង្កភាពភ្ញាក់ផ្អើលយ៉ាងខ្លាំងចំពោះអ្នកគាំទ្រ បន្ទាប់ពីបានចែករំលែករូបថតប៉ុន្មានសន្លឹក ក្នុងពេលតែមួយ មកជាមួយនឹងភាពស្រស់ស្អាត ព្រមទាំងភាពរីករាយ ក្នុងការជួបជុំគ្នាជាមួយតារាសម្តែងប្រុសពីររូបគឺ លោក Kenny Kwan និង លោក Allen Ting និងមានការរៀបចំនំខួប ខណៈថ្ងៃកំណើតរបស់នាងកំពុងតែជិតមកដល់មិនប៉ុន្មានថ្ងៃខាងមុខ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត នេះគឺជាលើកដំបូងហើយ ដែល Zhao Liying បានបង្ហោះរូបថត ពេលដើរលេងជាមួយមិត្តភក្តិភេទផ្ទុយគ្នា នៅលើបណ្តាញសង្គម បន្ទាប់ពីលែងលះស្វាមី។ ដោយនៅក្នុងនោះ អ្នកទាំងបីថែមទាំងបង្ហាញពីភាពស្និទ្ធស្នាលយ៉ាងខ្លាំង បន្ទាប់ពីបានរាប់អានគ្នាអស់រយៈពេលជាយូរ និងបានរក្សាទំនាក់ទំនងដ៏ល្អ រហូតមកទល់បច្ចុប្បន្ននេះ ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន