ជីកកកាយទ្រព្យសម្បតិ្តត្រកូល Michael Jackson តើសល់បានប៉ុន្មាន?

បរទេស៖ បើបានឬពីគ្រួសារត្រកូល Jackson ពិតជាជ្រាបច្បាស់ហើយថា គ្រួសារមួយនេះ គឺជានិមិត្តសញ្ញានៅក្នុងប្រវត្តិសាស្ត្រតន្ត្រី។ តាំងពីថ្ងៃនៅក្រុមចម្រៀង Jackson 5 រហូតដល់អាជីពទោលនៃស្តេចចម្រៀងប៉ុប របស់ Michael Jackson បានធ្វើឲ្យនាមត្រកូលដ៏ល្បីខ្លាំង ជាមួយនឹងកេរ្តិ៍ឈ្មោះល្បីល្បាញសុះសាយ រហូតដល់នាពេលបច្ចុប្បន្ន។  

ហេតុដូច្នេះថ្វីត្បិតតែ លោក Michael Jackson បានទទួលអនិច្ចកម្ម តែយ៉ាងណាក្តី កូនៗរបស់តារាចម្រៀងរូបនេះ ទទួលបានបានប្រាក់វាល់លានដុល្លារជារៀងរាល់ឆ្នាំ ដែលបានពីកម្មសិទ្ធបញ្ញានៃឈ្មោះឪពុក មិនត្រឹមតែប៉ុណ្ណោះ កេរ្តិ៍ឈ្មោះនៃត្រកូល Jackson ក៏បានជះឥទ្ធពលផលចំណេញ នៃសមាជិកគ្រួសារទាំងមូល ទទួលបានប្រាក់ក្រាស់ក្រាលក្រៃលែង គួរឲ្យកត់សម្គាល់ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្តែង នៅក្នុងអត្ថបទមួយដែលបានចុះផ្សាយនៅថ្ងៃទី ៩ ខែតុលា បានជីកកាយ គឺជាគ្រួសារដ៏ល្បីល្បាញ និងមានទ្រព្យសម្បត្តិ ដែលសមាជិកគ្រួសាររបស់ស្តេចចម្រៀងប៉ុប Michael Jackson សុទ្ធតែមានទ្រព្យសម្បត្តិរាប់សិបលានដុល្លារ ដែលបានស្នង ក៏ដូចជាទទួលបានកេរ្តិ៍ឈ្មោះល្បីល្បាញ ពីរូបលោកផ្ទាល់តែម្តង។

សូមទស្សនារូបភាពខាងក្រោម៖

១. Janet Jackson

 បច្ចុប្បន្ន Janet Jackson គឺជាបុគ្គលដែលមានទ្រព្យធំជាងគេនៅក្នុងគ្រួសារ Jackson។ យោងតាម Celebrity Net Worth រាយការណ៍ថាតារាចម្រៀងរូបនេះបានប្រឡូក ក្នុងវិស័យតន្រ្តីរយៈពេល ៤ ទសវត្ស និងមានទ្រព្យសម្បត្តិប្រមាណសរុប ១៩០ លានដុល្លារ។

២. Michael Jackson

១២ ឆ្នាំបន្ទាប់ពីមរណភាពរបស់ Michael Jackson ទ្រព្យសម្បត្តិរបស់លោកនៅបន្តកើនឡើង។ នៅខែឧសភាចៅក្រមអាមេរិកម្នាក់បានកាត់ក្តីទ្រព្យសម្បត្តិសុទ្ធរបស់តារាប៉ុបពីអចលនទ្រព្យចំនួន ១១១ លានដុល្លារនេះបើយោងតាម SCMP ។ យោងតាមបណ្តាំមរតក លោកបានទុកទ្រព្យសម្បត្តិ ៤០% ទៅឱ្យកូនបីនាក់ ២០% ទៅសប្បុរសធម៌សម្រាប់កុមារនិង ៤០% ទៀតដែលនៅសល់ទៅម្តាយរបស់គាត់គឺលោកស្រី Katherine។

៣. Paris Jackson

យោងតាម SCMP កូនស្រីរបស់ Michael Jackson បានប្រឡូកក្នុងវិស័យកម្សាន្តយ៉ាងសកម្ម ដោយក្នុងនោះនាង បានចេញចម្រៀង ក៏ដូចជាសម្តែងក្នុងភាពយន្តរន្ធត់កាលពីឆ្នាំ ២០១៨។ ជាក់ស្តែង ស្ថិតនៅក្នុងវ័យ ២៤ឆ្នាំ បច្ចុប្បន្ននាងមានទ្រព្យសម្បត្តិសរុបប្រមាណ ១០០ លានដុល្លារអាមេរិក ដែលភាគច្រើនជាមរតកពីស្តេចចម្រៀងប៉ុបពីឪពុករបស់នាងផ្ទាល់តែម្តង។

៤. Prince Jackson

ផ្ទុយពីប្អូនស្រីរបស់លោក Prince Jackson បានជ្រើសរើសដើរតាមមាគ៌ាជំនួញ បន្ទាប់ពីធ្វើការនៅក្នុងឧស្សាហកម្មកម្សាន្ត។ នៅឆ្នាំ ២០១៣ Prince បានធ្វើការជាអ្នកយកព័ត៌មានឱ្យកម្មវិធីកំសាន្ត។ កូនប្រុសច្បងរបស់ Michael ក៏បានសម្តែងជាតួឯកនៅក្នុងខ្សែភាពយន្តផងដែរ។ ទ្រព្យសម្បត្តិសុទ្ធរបស់លោកចំនួន ១០០ លានដុល្លារដោយភាគច្រើនគឺមរតកពីឪពុកលោក។

៥. Bigi (Blanket) Jackson

Bigi (Blanket) Jackson គឺជាកូនប្រុសពៅរបស់ស្តេចចម្រៀងប៉ុប។ ដូចជាបងប្រុសរបស់លោក ប្រឡូកក្នុងអាជីពតន្ត្រី ប៉ុន្តែលោកមិនសូវលេចធ្លោប៉ុន្មាននោះទេ។ លោកតែងតែលេចមុខនៅក្នុងប្រព័ន្ធផ្សព្វផ្សាយជាកូនប្រុសរបស់ស្តេចចម្រៀងប៉ុប។ SCMP បានរាយការណ៍ថា Bigi Jackson មានទ្រព្យ ១០០ លានដុល្លារពីមរតករបស់ Michael Jackson ។

• តារាអន្តរជាតិ