ចប់!​ ផលិតកម្ម YG ប្រកាសថា BLACKPINK នឹងលែងទទួលអំណោយពីអ្នកគាំទ្រទៀតហើយ

កូរ៉េខាងត្បូង ៖ នៅថ្ងៃទី ១២ ខែតុលា នេះផលិតកម្ម YG Entertainment បានប្រកាសជាផ្លូវការថា ផលិតកម្មនេះនឹងបដិសេធនូវរាល់កាដូរបស់អ្នកគាំទ្រទាំងអស់ ក្នុងឱកាសពិសេសៗដែលមានដូចជាខួបកំណើតក្រុម ខួបកំណើតសមាជិក និងអ្វីៗជាច្រើនទៀត។ 

ក្នុងនោះ យោងតាមការបង្ហោះសមាជិក BLACKPINK បានគិតអំពីបញ្ហានេះរួចមកហើយ ទោះបីជាពួកគេកោតសរសើរ និងរីករាយចំពោះការគាំទ្រអស់ពីដួងចិត្តដល់ហ្វេនរបស់ពួកគេ ដែលខំចំណាយប្រាក់ទិញរបស់មានតម្លៃជាច្រើនឲ្យពួកគេក៏ដោយ ក៏ពួកគេនឹងកាន់តែដឹងគុណក៏ដូចជាកាន់តែរីករាយ ប្រសិនបើអ្នកគាំទ្រងាកទៅធ្វើមូលនិធិក្នុងការបរិច្ចាគសម្រាប់អំពើល្អ ដើម្បីជួយដល់អ្នកដែលត្រូវការជំនួយ ជំនួសវិញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទោះជាយ៉ាងណា វាមានតែអក្សរដែលសរសេរដោយដៃរបស់ហ្វេនប៉ុណ្ណោះ ដែលនឹងត្រូវបានទទួលយក ដោយភ្ជាប់ជាមួយអាសយដ្ឋានជាក់លាក់ណាមួយ សម្រាប់ផ្តល់ឲ្យផលិតកម្ម YG ហើយអ្នកគាំទ្រនឹងត្រូវបានជូនដំណឹង នៅពេលសំបុត្រនោះបានទៅដល់ Idol របស់ពួកគេ៕

សូមទស្សនារូបភាពខាងក្រោម ៖ 

ប្រភព : Allkpop

• តារាកូរ៉េ