កម្របង្ហាញ! លើកនេះ Jimmy Lin នាំកូនប្រុសទាំង៣ដើរលេងជាសាធារណៈ

តៃវ៉ាន់៖ ក្រៅពីមានបទពិសោធន៍ ជិត ៣០ ឆ្នាំ នៅក្នុងសិល្បៈកម្សាន្ត ដែលទទួលបាននូវការគាំទ្រជាច្រើននោះ តារាសម្ដែងប្រុស លោក Jimmy Lin ក៏ត្រូវបានអ្នកគាំទ្រជាច្រើនតែងតែធ្វើការតាមដាន និងចង់ដឹងពីជីវិតរស់នៅផ្ទាល់ខ្លួន នៅក្នុងគ្រួសារ ផងដែរ។ 

ដោយឡែក កាលពីថ្ងៃទី ១១​ ខែតុលា កន្លងទៅនេះ តារាសម្ដែងប្រុសរូបនេះ ក៏បានចែករំលែករូបភាព កូនប្រុសរបស់ខ្លួន ទាំងបីនាក់ នៅពេលដែលពួកគេបានជិះកង់ជាមួយគ្នា។ ក្នុងនោះដែរ កូនៗទាំងបីនាក់នេះ មានការស្លៀកពាក់អាវស្រដៀងគ្នា ព្រមទាំងមានការកម្សាន្តយ៉ាងសប្បាយរីករាយ ថែមទៀត ។ មិនត្រឹមតែប៉ុណ្ណោះ កាលពីមុននេះ លោក Jimmy Lin ថែមទាំងបានបង្ហោះរូបថតជាមួយនឹងកូនប្រុសច្បង នៅក្នុងថ្ងៃខួបកំណើតគម្រប់ ១២ ឆ្នាំ ដែលបានបង្ហាញថា ក្មេងប្រុសរូបនេះ មានកម្ពស់ស្ទើរតែដូចឪពុកទៅហើយ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នេះអាចនិយាយបានថា គឺជារូបភាពដ៏កម្រមួយ ដែលតារាប្រុសរូបនេះ បើកបង្ហាញពីជីវីតនៅក្នុងក្រុមគ្រួសារដ៏មានសុភមង្គល ដែលធ្វើឲ្យហ្វេនៗសង្ឃឹមទុកថា នឹងបានមើលឃើញទិដ្ឋភាពបែបនេះជាបន្តបន្ទាប់ទៀត៕ 

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន