Ex របស់ Kylie ត្រូវប៉ូលីសចាប់ខ្លនភ្លាមៗ ព្រោះធ្វើរឿងនេះ

បរទេស៖ គេហទំព័រ People បានរាយការណ៍ថាតារារ៉េប Tyga (ឈ្មោះពិត Michael Ray Nguyen-Stevenson) ត្រូវបានចាប់ខ្លួនដោយនាយកដ្ឋាន ប៉ូលីសទីក្រុង Los Angeles នៅព្រឹកថ្ងៃទី ១២ ខែតុលា ពីបទរំលោភបំពាននារីភេទ។  

កាលពីប៉ុន្មានថ្ងៃមុន គេបានរាយការណ៍ នាង Camaryn Swanson ដែលជាអតីតគូស្នេហ៍របស់ Tyga បានចែករំលែករូបថតភ្នែកហើមរបស់នាងដោយសារតែត្រូវបានតារាប្រុសរូបនេះ បានវាយ និងធ្វើបាបជាដំណំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពដដែលបានបន្តទៀតថា នាងបានសារភាពថា Tyga បានទៅផ្ទះនាង។ ជម្លោះទាំងពីរបាននាំឱ្យមានការឈ្លោះប្រកែកគ្នា Swanson បាននិយាយថា នាងចង់ចាកចេញ ប៉ុន្តែតារារ៉េបរូបនេះ បានបដិសេធហើយចាប់ផ្តើមវាយនាងយកតែម្តង។

ជាមួយគ្នានេះដែរ កាសែតបានសរសេរថា អតីតមិត្តប្រុសរបស់ Kylie ត្រូវបានចាប់ខ្លួននៅម៉ោង ៩ និង ៣០ នាទីព្រឹក ប៉ុន្តែត្រូវបានដោះលែងវិញ បន្ទាប់ពីខាងតំណាងរូបលោក បានបង់ប្រាក់ចំនួន ៥០.០០០ ដុល្លារ ឲ្យនៅក្រៅឃុំ។

យោងតាមប្រភពបានឱ្យដឹងថា Tyga នឹងបង្ហាញខ្លួននៅតុលាការនៅថ្ងៃទី ៨ ខែកុម្ភះឆ្នាំ ២០២២។ បច្ចុប្បន្នអ្នកតំណាងរបស់តារាចម្រៀងរ៉េបរូបនេះបដិសេធមិនធ្វើអត្ថាធិប្បាយអំពីហេតុការណ៍នេះឡើយ៕

ប្រភព៖ People

សូមទស្សនារូបភាពខាងក្រោម៖

• តារាអន្តរជាតិ