ប្តីណាឃ្លាតបាន បើ សាន់ឆាយ ពូកែថែសម្រស់យ៉ាងនេះ នៅតែមិនចាស់ ស្អាតលើសដើម

ចិន៖ អ្នកណាមិនស្គាល់ តារាស្រីជនជាតិចិនតៃវ៉ាន ដែលបានសម្ដែងរឿងF4 ដោយក្នុងនោះនាងជាតួឯកស្រីមានឈ្មោះថា សាន់ឆាយ ដែលឈ្មោះនេះគេបានហៅជាប់មកចាប់ពីសម្ដែងរឿងF4 នេះមកម្ល៉េះ ហើយសម្រាប់ឈ្មោះពិតរបស់នាងវិញគឺ Barbie Hsu។

យ៉ាងណាមិញ បន្ទាប់ពីថតខ្សែភាពយន្តរឿង «F4 និង Meteor Garden» អស់រយៈពេល ១០-២០ឆ្នាំកន្លងទៅ Barbie Hsu ក៏មានការផ្លាស់ប្តូររូបរាងជាច្រើន ជាពិសេសក្រោយពេលសម្រាលកូន។ ទោះយ៉ាងណាក៏ដោយតារាសម្តែងស្រីដ៏ល្បីរូបនេះ នៅតែរក្សាបាននូវស្បែកមុខដ៏រលោងនៅតែម៉ត់ខៃរបស់នាងដោយរាងរៅវិញ នៅស្រឡូន មិនខុសពីមុនឡើយ ដោយមិនបណ្ដាយឲ្យអាយុមករារាំងសម្រស់របស់នាងបានឡើយ ខណៈដែលបច្ចុប្បន្នរូបនាងមានវ័យ៤៥ឆ្នាំទៅហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនេះ សាន់ឆាយ ក៏បានចែករំលែកពីការថែរក្សាសម្រស់របស់នាង ឲ្យមើលទៅក្មេងជាងវ័យដែលមានជាច្រើចំណុចដូចជា ការសម្អាតមុខឲ្យបានត្រឹមត្រូវជាប្រចាំ ម៉ាស្សាដោយដៃថ្នមៗ លាងមុខនឹងទឹកត្រជាក់ដើម្បីឲ្យជួយបង្រួមរន្ធញើស។ ជាងនេះទៅទៀត សាន់ឆាយ តែងម៉ាស្សាស្បែករួមបញ្ចូលគ្នាជាមួយប្រេងផ្កាកុលាប ដែលធ្វើឱ្យស្បែកទន់រលោងផ្តល់សំណើមនិងផ្តល់នូវសារធាតុប្រឆាំងអុកស៊ីតកម្មជាច្រើនដើម្បីការពារភាពចាស់នៃស្បែក។

លើសពីនេះទៀតនាងបានបន្ថែមថា អ្វីដែលមិនអាចខ្វះបាន គឺលាបឡេការពារកំដៅថ្ងៃជារៀងរាល់ថ្ងៃដើម្បីកំណត់ពីផលប៉ះពាល់នៃកាំរស្មីយូវីមកលើស្បែករាល់ពេលដែលនាងចេញទៅក្រៅ។មិនតែប៉ុណ្ណោះសាន់ឆាយ ចូលចិត្តញុំាអាហារមានវីតាមីន C, E  នៅក្នុងរបបអាហារប្រចាំថ្ងៃរបស់នាង និងការចូលគេងឲ្យបានទៀងទាត់គប់គ្រាន់ដើម្បីកាត់បន្ថយរង្វង់ភ្នែកខ្មៅ ជាពិសេសការធ្វើលំហាត់ប្រាណជាប្រចាំផងដែរ ៕

ប្រភព៖ ngoisao

សូមទស្សនារូបភាពខាងក្រោម៖

• តារាចិន