រាជធានីភ្នំពេញ៖ កាលពីថ្មីៗនេះ Trailer បទចម្រៀង Are you Ok? ដែលជាចម្រៀងរបស់ផលិតកម្ម Galaxy មានការផ្ទុះកក្រើកល្បីជាខ្លាំងនៅក្នុងបណ្តាញសង្គម ជាពិសេស បណ្តាញតិកតុក ដែលមិនទាន់នឹងចេញជា វីដេអូពេញផងនោះ។ តែយ៉ាងណា បទចម្រៀងមួយបទនេះ ត្រូវបានមហាជន អ្នកប្រើប្រាស់បណ្តាញសង្គម រិះគន់ព្រោងព្រាត ថាប៉ះពាល់ដល់ការអប់រំ និងមិនល្អសម្រាប់អ្នកទស្សនាជាដើម។
ជាមួយគ្នានោះដែរ មន្ត្រីជាន់ខ្ពស់ក្រសួង មហាផ្ទៃ និងក្រសួងវប្បធម៌និង វិចិត្រសិល្បៈ អះអាងថា ផលិតកម្មមួយ ដែលថតវីដេអូ ចម្រៀងបង្ហាញរូបភាពកាំ.ភ្លើ.ងជាក្រុម មិនមានផលប៉ះពាល់អ្វី ដល់សន្តិសុខសង្គម ឬវប្បធម៌ជាតិនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសូមបញ្ជាក់ថា បទចម្រៀង របស់ផលិកកម្ម Galaxy ដែលមានចំណងជើង ជាភាសាអង់គ្លេសថា «Are you Ok?» បានរងការរិះគន់ខ្លាំង ពីសាធារណជន។ ការរិះគន់នេះ ធ្វើឡើងបន្ទាប់ពី បទចម្រៀង «Are you Ok?» បង្ហោះជាសាធារណៈ លើបណ្ដាញសង្គម ដោយមានការចែក រំលែកតៗគ្នា ក្រោយពីតារាចម្រៀង ដែលច្រៀងបទនេះបានយក.កាំ.ភ្លើ.ង.មកសម្ដែង ភ្ជាប់ជាមួយនឹងការស្លៀកពាក់ បែបសិស្សសាលា កូរ៉េ រួមទាំងមាន បង្ហាញអក្សរខ្មែរ និងអក្សរកូរ៉េ នៅលើក្ដារខៀន។
ក្នុងនោះ ម្ចាស់បទចម្រៀង Are you Ok? កញ្ញា តន់ ច័ន្ទសីម៉ា បានចេញសុំទោសជាសាធារណៈចំពោះចម្រៀងនេះផងដែរ ដោយគោលបំណងរបស់កញ្ញា គឺចង់ឱ្យបទចម្រៀងនេះ ផ្ទុះកក្រើក និងល្បីនៅលើឆាកអន្តរជាតិ។
ក្រៅពីរិះគន់ អ្នកលេងបណ្ដាញសង្គមហ្វេសប៊ុក បាននាំគ្នាយករូបតារាចម្រៀងទាំងនោះ មកភ្ជាប់ជាមួយអតីតព្រះសង្ឃមួយអង្គដែលបានលេងកាំ.ភ្លើ.ង.ជ័រនិងថត បង្ហោះលើបណ្ដាញសង្គម ប៉ុន្តែត្រូវបាន សមត្ថកិច្ចចាប់ខ្លួន ហើយត្រូវបាន តុលាការផ្ដន្ទាទោសឱ្យជាប់ ពន្ធនាគារផងដែរ។
អ្នកនាំពាក្យក្រសួងមហាផ្ទៃ លោក ខៀវ សុភ័គ ប្រាប់សារព័ត៍មាន វីអូឌី នៅថ្ងៃអង្គារនេះថា ក្រសួងមិនមាន វិធានការច្បាប់ អ្វីលើតារាចម្រៀង និងក្រុមហ៊ុន Galaxy នោះទេ ដោយថា ការយកកាំភ្លើងជ័រមកសម្ដែង ក្នុងបទចម្រៀងជាសាធារណៈ បែបនេះ មិនមានផលប៉ះពាល់អ្វីដល់សន្តិសុខទេ។
លោកបញ្ជាក់បន្ថែមថា៖
ស្រដៀងគ្នាទៅនឹងការលើកឡើងនេះដែរ អ្នកនាំពាក្យក្រសួងវប្បធម៌ និងវិចិត្រសិល្បៈ លោក ឡុង ប៉ុណ្ណាស៊ីរីវត្ថ បានលើកឡើងដែរថា ការយកកាំ.ភ្លើ.ង.មកសម្ដែង.នេះមិនមានអ្វីប៉ះពាល់.ធ្ង.ន់.ធ្ងរ.ដល់វប្បធម៌ជាតិនោះទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
