YG នឹងលេងធម៌ក្តៅ បើនរណាវាយប្រហារ ឬប្រឌិតព័ត៌មានក្លែងក្លាយ

កូរ៉េខាងត្បូង៖ នៅថ្ងៃទី ១៤ ខែតុលាផលិតកម្ម YG បានប្រកាសជាផ្លូវការ នូវចេតនារបស់ខ្លួនក្នុងការចាប់ផ្តើមចាត់វិធានការផ្លូវច្បាប់យ៉ាងតឹងរ៉ឹងប្រឆាំង នឹងគណនីអ្នកលេងអ៉ីធឺណែតយ៉ាងធ្ងន់ធ្ងរ ទៅកាន់អ្នកសាយភាយពាក្យចចាមអារ៉ាម ការព្យាបាទ ការបរិហារកេរ្តិ៍ ក៏ដូចជាប្រឌិតព័ត៌មានជាដើម ដែលវាយប្រហារនឹងសិល្បកររបស់ខ្លួន។

ទន្ទឹមនឹងនេះដែរ ផលិតកម្មកម្សាន្តមួយនេះ ក៏បានបង្ហោះខ្លឹមសារយ៉ាងវែងអន្លាយផងដែរដោយបានរៀបរាប់ដូច្នេះថា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សួស្តីនេះគឺជាផលិតកម្ម YG ។ដំបូងយើងសូមថ្លែងអំណរគុណយ៉ាងស្មោះចំពោះអ្នកគាំទ្រទាំងអស់ដែលលើកទឹកចិត្តដល់សិល្បករ YG Entertainment របស់យើង។រហូតមកដល់ពេលនេះផលិតកម្ម YG មានអារម្មណ៍ថាក្នុងនាមជាបុគ្គលដែលស្ថិតនៅចំកណ្តាលនៃការចាប់អារម្មណ៍ និងស្រឡាញ់ជាសាធារណៈ វាជាការចាំបាច់ដែលសិល្បករស្លាកយីហោរបស់យើងត្រូវទទួលការរិះគន់ ឬការនិយាយបង្កាច់បង្ខូចមួយចំនួនដែលជាមូលហេតុដែលពួកយើង ត្រូវបញ្ឈប់ពីសកម្មភាពទៅតាមផ្លូវច្បាប់មួយចំនួន។
ទោះយ៉ាងណាក៏ដោយចំនួននៃពាក្យចចាមអារ៉ាមវាយប្រហារ ការចំអក ការយាយីផ្លូវភេទ និងការរំលោភបំពានឯកជនភាពជាដើម។
ដូច្នេះទីភ្នាក់ងារនេះបានចាប់ផ្តើមត្រួតពិនិត្យខ្លឹមសារផ្សេងៗ ដែលរាយការណ៍ដោយអ្នកគាំទ្រដែលរំលោភសិទ្ធិសិល្បះរបស់យើងតាំងពីដើមឆ្នាំនេះ ហើយយើងមានអារម្មណ៍ថាត្រូវការស៊ើបអង្កេតយ៉ាងហ្មត់ចត់នូវករណីដែលកម្រិតនៃការរំលោភបំពានណាដែលធ្ងន់ធ្ងរ។
ឥឡូវនេះយើងសូមជូនដំណឹងថាអ្នកដែលបន្តផ្សព្វផ្សាយព័ត៌មានមិនពិតទាក់ទងនឹងសិល្បកររបស់យើងនឹងត្រូវបានជូនដំណឹងអំពីបណ្តឹងព្រហ្មទណ្ ឌនិងការស៊ើបអង្កេតពី បទបរិហារកេរ្តិ៍ការបង្កាច់បង្ខូច និងការជ្រៀតជ្រែកអាជីវកម្មដូច្នេះដែរ។
លើសពីនេះទៀតផលិតកម្ម YG គ្រោងនឹងបន្តចាត់វិធានការតាមផ្លូវច្បាប់យ៉ាងតឹងរឹងក្នុងករណីណាក៏ដោយនាពេលអនាគតដែលសិល្បកររបស់យើងត្រូវបានបរិហារកេរ្តិ៍ និងខូចខាតកិត្តិនាម ប៉ះពាល់យ៉ាងធ្ងន់ធ្ងរ។
របាយការណ៍ដែលផ្ញើដោយអ្នកគាំទ្រគឺជាជំនួយដ៏ល្អ ហើយដូច្នេះយើងសូមថ្លែងអំណរគុណ។ ទីភ្នាក់ងារនេះកំពុងតាមដានខ្លឹមសារដែលបានរាយការណ៍ដោយអ្នកគាំទ្រយ៉ាងជិតស្និទ្ធហើយយើងស្នើឱ្យអ្នកបន្តផ្ញើរបាយការណ៍មកយើងយ៉ាងសកម្មប្រសិនបើអ្នកឃើញសកម្មភាពព្យាបាទប្រឆាំងនឹងសិល្បកររបស់យើង។
ផលិតកម្ម YG Entertainment នឹងក្លាយជាទីភ្នាក់ងារមួយដែលខិតខំប្រឹងប្រែងដោយមិនខ្លាចនឿយហត់ដើម្បីការពារសិល្បករស្លាកយីហោរបស់យើងទាំងអស់។

ទន្ទឹមនឹងនេះផលិតកម្ម YG គឺជាទ្រនំរបស់សិល្បកររួមមាន Big Bang WINNER iKON BLACKPINK TREASURE និងសិល្បករជាច្រើនទៀតផងដែរ៕

ប្រភព៖ Allkpop

សូមទស្សនារូបភាពខាងក្រោម៖

តារាកូរ៉េ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

YG នឹងលេងធម៌ក្តៅ បើនរណាវាយប្រហារ ឬប្រឌិតព័ត៌មានក្លែងក្លាយ

In Case You Missed It