រំជួលចិត្ត! សម្តេច ហ៊ុន សែន ផ្ញើសាររំលែកទុក្ខជាមួយក្រុមគ្រួសារ ករុណា ពេជ្រ យ៉ាងដូច្នេះថា...

តារាកម្សាន្ត÷ ក្រោយទទួលដំណឹងមរណភាពរបស់ឪពុកតារាចម្រៀងដ៏ល្បី ប្រចាំផលិតកម្មថោន លោក ករុណា ពេជ្រ រួចមក សម្ដេចអគ្គមហាសេនាធិបតី តេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា បានផ្ញើសាររំលែកទុក្ខជាមួយក្រុមគ្រួសារនៃសព ដោយសម្តេចបានមានប្រសាសន៍ក្នុងសាររំលែកទុក្ខយ៉ាងដូច្នេះថា÷

ខ្ញុំនិងភរិយាមានក្ដីរំជួលចិត្តឥតឧបមា ដោយបានទទួលដំណឹងថាឧបាសក ម៉ុក សាខន ត្រូវជាឪពុក របស់លោក ករុណា ពេជ្រ បានទទួលមរណភាពនៅវេលាម៉ោង ៨:០២ នាទីព្រឹក ថ្ងៃព្រហស្បតិ៍ ៨កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៤ ខែតុលា ឆ្នាំ២០២១ ក្នុងជន្មាយុ ៧៥ឆ្នាំ ដោយ រោគាពាធ។ ក្នុងវេលាប្រកបដោយសមានទុក្ខដ៏ក្រៀមក្រំនេះ ខ្ញុំនិងភរិយាសូមសម្តែងនូវការសោកស្តាយ ដោយក្តីស្រណោះអាឡោះអាល័យ ចំពោះការបាត់បង់ឧបាសក ម៉ុក សាខន ដែលជាការបាត់បង់នូវឪពុក និងជីតា ប្រកបដោយព្រហ្មវិហារធម៌និងសង្គហធម៌ដ៏ជ្រាលជ្រៅចំពោះកូន និងចៅជាទីស្រឡាញ់។ខ្ញុំនិងភរិយាសូមឧទ្ទិសបួងសួងដល់ដួងវិញ្ញាណក្ខន្ធសពឧបាសក ម៉ុក សាខន សូមឆាប់បានចាប់ កំណើតកើតក្នុងសុគតិភពគ្រប់ៗជាតិ កុំបីឃ្លៀងឃ្លាតឡើយ។ សូមលោក លោកស្រី ជាក្រុមគ្រួសារនៃសព ទទួលនូវក្ដីរាប់អានដ៏ជ្រាលជ្រៅពីខ្ញុំ។

សម្តេច ហ៊ុន សែន

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមបញ្ជាក់ឡើងវិញផងដែលថា លោកឪពុករបស់លោកករុណា ពេជ្រ បានទទួលមរណភាព ដោយសារជំងឺលើសឈាម និងដាច់សសៃក្នុងខួក្បាល នៅព្រឹកថ្ងៃទី១៤ ខែតុលា ឆ្នាំ២០២១កាលពីពេលកន្លងទៅថ្មីៗនេះ៕

ជីវិត

រូបភាព

តារាខ្មែរ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

រំជួលចិត្ត! សម្តេច ហ៊ុន សែន ផ្ញើសាររំលែកទុក្ខជាមួយក្រុមគ្រួសារ ករុណា ពេជ្រ យ៉ាងដូច្នេះថា...

In Case You Missed It