Beyoncé បណ្ដើរស្វាមីបណ្ដូលចិត្ត ចូលរួមមង្គលការ កូនសេដ្ឋី យ៉ាងលេចធ្លោ

បរទេស៖ ថ្មីៗនេះ តារាចម្រៀងស្រីដ៏ល្បី Beyoncé និងតារាចម្រៀងរ៉េប លោក Jay-Z​ ដែលជាស្វាមីរបស់នាង បានមានវត្តមានជាភ្ញៀវ នៅក្នុងពិធីមង្គលការមួយ នៅទីក្រុង Venice របស់អ្នកជំនួញម្នាក់ដែលជាកូនប្រុស របស់មហាសេដ្ឋី Bernard Arnault ដែលមានជាងគេទី ៣ នៅលើពិភពលោក។

នៅក្នុងនោះដែរ តារាចម្រៀងស្រី Beyoncé និងលោក Jay-Z បានកាន់ដៃគ្នា ចូលរួមក្នុងពិធីមង្គលការ យ៉ាងល្អូកល្អើន កាលពីថ្ងៃទី ១៦ ខែតុលាកន្លងទៅនេះ ដោយត្រូវបានគេដឹងថា គូស្វាមីភរិយាតារាចម្រៀងមួយគូនេះ គឺជា មិត្តជិតស្និទ្ធជាមួយនឹងកូនកំលោះ ថែមទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ តារាស្រីរូបនេះ ក៏បានចេញមកជាមួយនឹងការតុបតែងខ្លួនក្នុងឈុតខ្មៅដ៏ឆើតឆាយ ពាក់គ្រឿងអលង្កាលំអយ៉ាងប្រណីត និងមើលទៅមានមន្តស្នេហ៍ខ្លាំង ខណៈដែលស្វាមីរបស់នាង បានតែងខ្លួនក្នុងឈុតខ្មៅដូចគ្នា ដែលមានភាពសាកសមឥតខ្ចោះ ផងដែរ៕ 

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាអន្តរជាតិ