ទាក់ទងគ្នាជិត២០ឆ្នាំ Ann ក៏ធ្លាប់ចង់ការដែរ តែត្រូវរំសាយ ព្រោះរឿងមួយ

ថៃ៖ មិនត្រឹមតែជា តារាសម្ដែងដ៏ល្បីនោះទេ តែ Ann Thongprasom ថែមទាំងជា ផលិតកររឿង ដែលតែងតែធ្វើឱ្យអ្នកគាំទ្រចាប់អារម្មណ៍ទៅលើស្នាដៃ ជាច្រើននៅក្នុងវិថីសិល្បៈ ព្រមទាំងរឿងរ៉ាវផ្ទាល់ខ្លួនរបស់នាង ផងដែរ។  

ដោយឡែក កាលពីថ្មីៗនេះ Ann Thongprasom ក៏បានចូលមកបង្ហាញខ្លួនជាភ្ញៀវកិត្តិយស ក្នុងកម្មវិធីមួយ ដោយនៅក្នុងនោះ នាងបានទាញយកចំណាប់អារម្មណ៍ពីទស្សនិកជនជាច្រើន បន្ទាប់ពីបានបង្ហើបរឿងរ៉ាវក្នុងទំនាក់ទំនងស្នេហារបស់ខ្លួន ដោយមានគូស្នេហ៍ចាំយកចិត្ត ជួយនាងជានិច្ច។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលសំខាន់នោះ តារាស្រីរូបនេះ បានបង្ហាញថា អ្នកទាំងពីរបាននៅជាមួយគ្នាអស់រយៈពេលជិត ២០ ឆ្នាំ និងបានក្លាយជាគ្រួសារតែមួយទៅហើយ។ ប៉ុន្តែមានពេលមួយ គូស្នេហ៍អ្នកទាំងពីរ ថែមទាំងមានគម្រោងរៀបការ និងមានកូនជាមួយគ្នា។ ប៉ុន្តែ រូបនាងបានបំផ្លាញគម្រោងដោយខ្លួនឯង ពីព្រោះមិនអាចរៀបចំឲ្យត្រឹមត្រូវ ដែលធ្វើឱ្យវាហួសពេលតាំងតែពីពេលនោះ ។

ម៉្យាងវិញទៀត Ann Thongprasom ក៏បានលើកឡើងទៀតថា វាយឺតពេលហើយ សម្រាប់ការមានកូន ដូច្នេះ នាងមិនចង់រៀបការទេ ប៉ុន្តែ អ្នកទាំងពីរនៅតែមានភាពសប្បាយរីករាយ និងមិនទៅណាចោលគ្នា ដើម្បីគាំទ្រគ្នាទៅវិញទៅមកបែបនេះ គឺគ្រប់គ្រាន់ហើយ៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ