រហូតដល់ពេលនេះ ទ្រព្យរបស់ Elon Musk ច្រើនជាង Warren Buffet និង Bill Gates បញ្ចូលគ្នាទៅទៀត

បរទេស៖ គិតត្រឹមថ្ងៃសុក្រនាយកប្រតិបត្តិ SpaceX និង Tesla លោក Elon Musk បានឈានដល់ទ្រព្យសម្បត្តិរហូតទៅដល់សរុប ២៣០ ពាន់លានដុល្លារ ដោយធានាបានតំណែងរបស់លោក ជាអ្នកមានបំផុតនៅលើពិភពលោក។

តួយ៉ាងខណៈលោក Bill Gates បានត្រឹមឈរនៅលេខ ៤ ជាមួយទឹកប្រាក់ ១៣០ ពាន់លានដុល្លារ និង លោក Warren Buffet នៅលេខ ១០ ជាមួយ ១០២ ពាន់លានដុល្លារអាមេរិក យោងតាមតួលេខ នៃទិន្នន័យរបស់ Bloomberg ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ តាមប្រភពមួយបានបន្ថែមដូច្នេះថា ទាំងលោក Bill Gates និង Warren Buffet ក៏ជាអ្នកមានបំផុតនៅលើពិភពលោកដែរ ខណៈរហូតដល់ពេលបច្ចុប្បន្ន លោកទាំងពីរ តែងតែការផ្តល់ជំនួយទៅកាន់សប្បុរសធម៌ បានធ្វើឱ្យទ្រព្យសម្បត្តិរបស់ពួកគេធ្លាក់ចុះយ៉ាងគំហុក។

លើសពីនេះ លោក Musk ដែលជាមហាសេដ្ឋីបច្ចេកវិទ្យារូបនេះ រកចំណូលបាន ប្រាក់ជាង ៦០ ពាន់លានដុល្លារនៅឆ្នាំនេះ ដោយសារតែការកើនឡើងនៃតម្លៃភាគហ៊ុនរបស់ក្រុមហ៊ុន Tesla ក៏ដូចជាការលក់ភាគហ៊ុនថ្មីៗ សម្រាប់ក្រុមហ៊ុន SpaceX ដែលឥឡូវនេះមានតម្លៃទ្រព្យ ១០០ ពាន់លានដុល្លារ៕

ប្រភព៖ hypebeast

សូមទស្សនារូបភាពខាងក្រោម៖