ហេតុអ្វីស្ត្រីពពោះធ្លាក់ឈាមនៅត្រីមាសទី១? គួរ​ឲ្យ​បារម្ភ​កម្រិត​ណា?

បញ្ហា​ធ្លាក់​ឈាម​អំឡុង​ពេល​ពពោះ ជា​ធម្មតា​ច្បាស់​ជា​ធ្វើ​ឲ្យ​ម៉ាក់ៗ​កើត​ក្តី​បារម្ភ​ពី​សុខភាព ពិសេស​នោះ​គឺ​បារម្ភ​ពី​អា​អូន​ក្នុង​ផ្ទៃ។ មាន​ស្ត្រី​ពពោះ​​មួយ​ចំនួន ជួប​បញ្ហា​ធ្លាក់​ឈាម​​នៅ​ត្រី​មាស​ទី១នេះ ប៉ុន្តែ​មិន​ដឹង​ច្បាស់​ថា​បញ្ហា​​កើត​ឡើង​ដោយសារ​អ្វី ឬ​គួរ​ឲ្យ​បារម្ភ​កម្រិត​ណា​នៅ​ឡើយ។

គណនាថ្ងៃសម្រាលកូន នៅទីនេះ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើ​តាម​ការ​ផ្សព្វ​ផ្សាយ​របស់​មន្ទីរពេទ្យ កាល់ម៉ែត បាន​ឲ្យ​ដឹង​ថា ក្នុង​ត្រី​មាស​ដំបូង ២០-៣០%​នៃ​គភ៌​សរុប​អាច​ជួប​ប្រទះ​បញ្ហា​ធ្លាក់​ឈាម ហើយ​វា​អាច​ជា​សញ្ញា​អាសន្ន​ដែល​ស្ត្រី​ចាំ​បាច់​ត្រូវ​ពិនិត្យ និង​តាម​ដាន​ជា​បន្ទាន់។ ផ្ទុយ​ទៅ​វិញ បញ្ហា​ធ្លាក់​ឈាម​​នៅ​ត្រី​មាស​ទី១នេះ​អាច​ជា​ផ្ដល់​ផល​រំខាន​តិច​តួច​ប៉ុណ្ណោះ​ចំពោះ​ម៉ាក់ៗពពោះ និង​គភ៌​ក្នុង​ផ្ទៃ វា​អាស្រ័យ​លើ​បរិមាណ​នៃ​ការ​ធ្លាក់​ឈាម និង​រោគ​សញ្ញា​គួប​ផ្សំផ្សេងទៀត (៧០% នៃ​ការ​ធ្លាក់​ឈាម​របស់​ម៉ាក់ៗ គភ៌​អាច​វិវត្ត​ធម្មតា)។

មូល​ហេតុ​នៃ​បញ្ហា​ធ្លាក់​ឈាម​នៅ​ត្រី​មាស​ទី១

– ប៉ះ​ទង្គិច ឬ​កកិត​មាត់​ស្បូន (ការ​រួម​ភេទ ឬ​ពិនិត្យ​មាត់​ស្បូន)
– បង្ក​កំណើត​គភ៌​ក្នុង​ស្បូន (ការ​កាច់​សំបុក)
– គំរាម​រលូត ឬ​រលូត
– កូន​ក្រៅ​ស្បូន
– កូន​ពង
– រលាក​មាត់​ស្បូន

រោគ​សញ្ញា​គួប​ផ្សំ​នៃ​បញ្ហា​ធ្លាក់​ឈាម​នៅ​ត្រី​មាស​ទី១

• ឈឺ​ពោះ ឬ​ឈើ​លើ​ថ្ងាស​ផ្នែក​ខាង​ក្រោម​ពោះ
• កម្រិត​ឈឺ តិច ឬ​ខ្លាំង
• រួយ​ចង្កេះ
• អស់​កម្លាំង ល្ហិតល្ហៃ
• បាត់បង់ស្មារតី

មន្ទីរពេទ្យ កាល់​ម៉ែត បន្ត​ថា ប្រភេទ​នៃ​ការ​ធ្លាក់ឈាម​នៅ​ត្រី​មាស​ទី១​មាន ៣ ដូចជា ការ​ធ្លាក់​រម្អិល​​ឈាម​ក្រហម ឬ​ក្រ​ម៉ៅ ការ​ធ្លាក់​ដូច​កណ្ដាល​នៃ​វដ្ដ​រដូវ ពណ៌​ក្រហម ឬ​ក្រ​ម៉ៅ និង​ការ​ធ្លាក់​កំណក​ឈាម​ក្រហម ឬ​ក្រ​ម៉ៅ។

ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕ 

អត្ថបទផ្ដល់សិទ្ធិដោយ Hello Krupet