ទីបំផុត ក្មេងស្រីវ័យ ១៧ឆ្នាំ ចេញមុខហើយ ពីរឿងស្នេហាជាមួយ ទិនហ្វី ហើយ

ហុងកុង៖ នៅថ្ងៃទី ១៩ ខែតុលា យោងតាមទំព័រ QQ បានរាយការណ៍ថា នារីវ័យ ១៧ឆ្នាំ Ukei Cheung ដែលជាបេក្ខភាពក្នុងការប្រកួតបវរកញ្ញាហុងកុង បានចូលរួមកម្មវិធីមួយ ដែលនេះជាលើកដំបូង បន្ទាប់ពីលេចលឺព័ត៌មានណាត់ជួបជាមួយនឹង តារាសម្ដែងដ៏ល្បី លោក​ Stephen Chow ។

ដោយឡែក អ្វីដែលធ្វើឲ្យមនុស្សជាច្រើនផ្ទុះការចាប់អារម្មណ៍នោះគឺ នៅពេលដែលបានសួរអំពីទំនាក់ទំនងរបស់នាងជាមួយតារាសម្ដែងហុងកុង លោក Stephen Chow នាងក៏បាននិយាយថា អ្នកទាំងពីរនៅតែទាក់ទងគ្នា ប៉ុន្តែមិនមែនជាទំនាក់ទំនងស្នេហានោះទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ នារីវ័យក្មេងរូបនេះ មិនបានចុះហត្ថលេខាលើកិច្ចសន្យារក្សាការសម្ងាត់ ដូចដែលមេធាវីរបស់  លោក​ Stephen Chow បានបញ្ជាក់នោះទេ។ ហើយអំឡុងពេលចេញទៅក្រៅ ដែលត្រូវបានប្រព័ន្ធផ្សព្វផ្សាយចាប់បាន កាលពីថ្ងៃទី ១៦ ខែសីហា នៅពេលមានរូបថតនាងដែលបានថតរូបនៅមុខ Stephen Chow តារាសម្តែងប្រុសរូបនេះ ក៏បានជួយនាងថតវីដេអូ ផងដែរ។ 

ម៉្យាងវិញទៀត នាងក៏បានបញ្ជាក់ថា គ្មានទំនាក់ទំនងស្នេហាអ្វីជាមួយនឹង លោក Stephen Chow នោះទេ។ ហើយទោះជាយ៉ាងណា អ្នកទាំងពីរនៅតែជាមិត្តនឹងគ្នា ដែលពួកគេភាគច្រើនតែងតែង និយាយគ្នាអំពីរឿងភាពយន្ត ជាដើម៕ 

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន