កូរ៉េខាងត្បូង៖ កាលពីថ្មីៗនេះ តារាសម្តែងដ៏ល្បីឈ្មោះ លោក Lee Jung Jae ត្រូវបានជ្រើសរើសសម្រាប់ពានរង្វាន់ Gotham Awards 2021 នៅក្នុងបញ្ជីនៃតារាសម្តែងបានល្អបំផុត នៅក្នុងរឿងភាគថ្មី ពោលគឺរឿង Squid Game ដែលទទួលបានការគាំទ្រច្រើនបំផុត ក្នុងពិភពលោក។
សូមរំលឹកផងដែរថា នៅក្នុងរឿង Squid Game នេះ លោក Lee Jung Jae ដើរតួជា Gi-Hun ដែលជាបុរសញៀននឹងការលេងល្បែងស៊ីសង ជឿជាក់លើសំណាង ក្នុងនោះ លោកធ្លាប់ធ្វើជាតៃកុនឡាន និងរស់នៅជាមួយម្តាយចាស់។
បើតាមសាច់រឿងនោះ Gi-Hun សម្រេចចិត្តចូលលេងហ្គេម ក្នុងគោលបំណងរកលុយឱ្យបានគ្រប់គ្រាន់ ដើម្បីកុំឱ្យកូនស្រីវ័យ១០ ឆ្នាំរបស់លោកចាកចេញពីកូរ៉េទៅរស់នៅសហរដ្ឋអាមេរិកជាមួយម្តាយ និងឪពុកចុង។
គួររំលឹកដែរថា Lee Jung Jae ជាតារាសម្តែងប្រុសល្បីមួយរូបក្នុងប្រទេសកូរ៉េខាងត្បូង ដែលបានមានវត្តមាន នៅក្នុងរឿងល្បីៗដូចជា Il Mare (2000) The Face Reader ( 2013) និង រឿង Chief of Staff 2៕
ប្រភព៖ koreaboo
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
