រឿងកំពុងក្តៅគគុក ក្រោយល្បីថា ឱក សុគន្ធកញ្ញា លួចចម្លងឈុតរបស់ Lisa?

រាជធានីភ្នំពេញ៖ កាលពីថ្មីៗនេះ ផ្ទុះការភ្ញាក់ផ្អើលជាខ្លាំងក្រោយ ពីអ្នកប្រើប្រាស់បណ្តាញសង្គម គេសង្កេតឃើញថា ឈុតសម្លៀកបំពាក់របស់កំពូលតារាចម្រៀងប្រចាំផលិកម្មរស្មីហង្សមាស អ្នកនាង ឱក សុគន្ធកញ្ញា បានស្លៀកចូលរួមនៅក្នុងការប្រគុំតន្ត្រីមេគង្គ កូរ៉េ មានលក្ខណៈប្រហាក់ប្រហែលនឹងឈុតរបស់តារាចម្រៀងកូរ៉េដើមកំណើតថៃ Lisa។

សូមរំលឹកផងដែរថា រឿងរ៉ាវនេះ បានផ្ទុះកក្រើកជាខ្លាំង ជាពិសេសនៅលើបណ្តាញសង្គមតិកតុក ដែលមានគេយករូបឈុតដែលតារាចម្រៀងស្រី ឱក សុគន្ធកញ្ញា ទៅផ្ទឹមនឹងរូបរបស់តារាចម្រៀង Lisa ដែលមើលទៅសម្លៀកបំពាក់ទាំងពីរមានលក្ខណៈប្រហាក់ប្រហែលគ្នា តែមិនមែន ជាការចម្លងអ្វីនោះទេ ក្នុងនោះ ក៏មានហ្វេន ឬមានអ្នកមកតបតជាច្រើន ក្រោយមានអ្នកចាំរិះគន់ថា ចម្លងផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើតាមការបង្ហោះរបស់ផេកមួយឈ្មោះថា បូណាចារ្យ បានបញ្ជាក់ថា

រឿងនេះជារឿងតូចមួយដែលកំពុងកើតឡើងក្នុងបណ្តាញសង្គមតិកតុក (Tiktok) តែបើនឹងពុំលើកឡើងមកនិយាយ ក៏នឹងពុំកើតក្រែងលោ វារាលដាលធំ។ ព្រោះអីក្រុមនេះតែកាលណាពាក់ព័ន្ធនឹង Idol របស់គេហើយគេចូលចិត្តទាញ Fan បរទេសផ្សេងៗទៀតមកពាក់ព័ន្ធដែរ។ អញ្ចឹងហើយដើម្បីបង្ការបញ្ហាទុកជាមុន ជៀសវាងការយល់ច្រឡំពីបរទេស នឹងពាក់ព័ន្ធដល់កិត្តិយសការតំណាងជាតិរបស់សិល្បករយើងផងនោះ យើងចាំបាច់ត្រូវហាមប្រាមកូនចៅកូនក្មួយយើងជាកិច្ចបន្ទាន់សិន។ ឈុតសម្លៀកបំពាក់របស់បងស្រី ឱក សុគន្ធកញ្ញា ត្រូវបានសម្រិតសម្រាំងយ៉ាងពិសេសបង្កប់ទៅដោយអត្ថន័យសិល្បៈវប្បធម៌ដ៏ផូរផង់របស់ជាតិសាសន៍ខ្មែរយើង មានដូចជា សំពត់ដែលកាត់ចេញពីហូលខ្មែរបុរាណហើយរចនាប្រឌិតជាសំពត់ទម្រង់បែបសំពត់នាងអប្សរាដែលឆ្លាក់តាមប្រាសាទអង្គរវត្តនាសតវត្សទី១២ ស្បៃប៉ាក់ខ្មែរជាស្បៃជាន់ខ្ពស់ដែលត្រូវបានប៉ាក់ជាក្បាច់ផ្កាចន្ទន៍និយមប្រើប្រាស់តាំងពីសម័យបុរាណមកក្នុងរង្វង់ស្រីខ្មែរជាពិសេសក្នុងពិធីសំខាន់ៗដូចជាពិធីមង្គលការជាដើម អាវប៉ោងស្មាជាប្រភេទអាវប្រពៃណីដែលខ្មែរ យើងទទួលឥទ្ធិពលពីបស្ចឹមប្រទេសក្នុងកំឡុងសម័យអាណានិគមរហូតដល់សម័យសង្គមហើយត្រូវបានប្រើប្រាស់យ៉ាងទូលាយក្នុងរង្វង់ប្រពៃណីក៏ដូចជាការស្លៀកពាក់ទូទៅរហូតមកដល់បច្ចុប្បន្ន។

បូណាចារ្យ

ប្រភពដដែលបានបន្តថា បងស្រី ឱក សុគន្ឋកញ្ញា និង ក្រុមការងារ បានរចនាឈុតនេះដើម្បី តំណាងប្រជាជាតិកម្ពុជាចូលរួមក្នុងព្រឹត្តិការណ៍អន្តរជាតិនាសាធារណរដ្ឋកូរ៉េ នឹងបង្ហាញពីភាពសម្បូរបែបនៃសិល្បៈវប្បធម៌ខ្មែរ ការរួមបញ្ចូលច្នៃប្រឌិតរវាងបុរាណនិងសម័យ ដើម្បីជាមោទកភាពនៃប្រជាជនកម្ពុជា និងបង្ហាញអោយគេស្គាល់កាន់តែច្បាស់អំពីប្រទេសយើង។ ហេតុដូច្នេះយើងត្រូវចេះបែងចែកកាលទេសៈ ទោះបីជាអ្នកទាំងអស់គ្នា មានជម្លោះជាមួយអ្នកណាក៏ដោយ ក៏មិនត្រូវយកឈុតដែលជាតំណាងសិល្បករតំណាងអោយខ្មែរលើឆាកអន្តរជាតិ មកប្រើប្រាស់ដើម្បីជាប្រយោជន៍សិល្បកររបស់អ្នកដែរ។ ក្រុមការងារកម្ពុជា ប្រើប្រាស់អស់ទាំងកម្លាំងកាយចិត្តដើម្បីរចនាឈុតនេះ បង្ហាញលើឆាកអន្តរជាតិ ដើម្បីអោយគេស្គាល់ពីកម្ពុជា ស្គាល់ពីវប្បធម៌ខ្មែរ មិនមែនដើម្បីលក់អាល់ប៊ុម យកលុយចូលហោប៉ៅឡើយ។ យើងមិនចង់លឺពាក្យដោះសារថា គេចោទIdolខ្ញុំដែរទើបខ្ញុំចោទវិញនោះទេ សំខាន់យើងត្រូវបែងចែករឿង២ហ្នឹងអោយដាច់ពីគ្នា យ៉ាងក៏ដោយជាតិយើងក៏ត្រូវសំខាន់ជាងរឿងទាំងនោះ យកជាតិយើងនាំមុខសិន។ កុំបីមានការគាំទ្រសាសន៍ដ៏ទៃ ងប់ងល់រហូតភ្លេចជាតិសាសន៍ ភ្លេចមាតុភូមិសុវណ្ណភូមិអ្នកអោយកំណើតខ្លួនឯង៕

បូណាចារ្យ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

រឿងកំពុងក្តៅគគុក ក្រោយល្បីថា ឱក សុគន្ធកញ្ញា លួចចម្លងឈុតរបស់ Lisa?

In Case You Missed It