ធ្លាក់ខ្យល់ភ្លាម តារាកំប្លែងថៃ Veen ដឹកដៃអនាគតស្វាមី ថត​ Pre-wedding ត្រៀមចូលរោងការ

ថៃ៖ បន្ទាប់ពីបាន ប្រកាសថានឹងចូលរោងការឆាប់ៗ​ តារាកំប្លែងបណ្តាញសង្គម Veen ដែលត្រូវបានគេស្គាល់ជា «ព្រះម៉ែទេវី» បានដឹកដៃអនាគតស្វាមី ដែលរូបស្រស់សង្ហា ទៅថត Pre-Wedding បានបង្កឲ្យមហាជន សប្បាយចិត្តជាពន់ពេក នៃដំណឹងមួយនេះ។

យោងតាម គេហទំព័រហ្វេសប៊ុក របស់តារាសម្តែងកំប្លែងរូបនេះ បានចែកចាយរូបភាពជាច្រើនសន្លឹក រូបថត Pre-Wedding ដ៏ផ្អែមល្ហែម ដែលអ្នកអត់គូល្មមៗ លួចមានចិត្តច្រណែនគ្រប់ៗគ្នា ជាពិសេសនោះត្រូវបានគេមើលឃើញថា អនាគតកូនកម្លោះ មានសម្រស់ស្រស់សង្ហា យ៉ាងឡូយតែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ បើតាមរូបភាពដែលត្រូវបានមើលឃើញ ត្រូវបានថតក្នុងព្រៃ ដែលបានដាក់ពោរពេញទៅដល់ផ្កាពណ៌ស ពិតជាសាមសមទៅនឹង រ៉ូបកូនក្រមុំសក្បុសវែងអន្លាយ គួបផ្សំទៅនឹង ស្ទីលថតជាមួយកូនកម្លោះទៀតផង បានធ្វើ Pre-Wedding មើលទៅហាយៗ មិនចាញ់តារាល្បីល្មោះប៉ុន្មាននោះទេ។

យ៉ាងណាមិញ ក្រោយពីឃើញបែបនេះ មានប្រិយមិត្តជាច្រើន ចូលរួម អបអរសារទរ និងជូនពរអ្នកពីរ ស្រលាញ់គ្នាកាន់តែខ្លាំង ថែមទាំងទទួលបានការ ចូលចិត្ត និងបានចែករំលែកការបង្ហោះមួយនេះ រាប់ពាន់ដងដូច្នេះដែរ៕

ប្រភព៖ daradaily

សូមទស្សនារូបភាពខាងក្រោម៖

• តារាថៃ