អបអរ! កម្ពុជា ឈរនៅលេខរៀងទី១ ជាប្រទេសចាក់វ៉ាក់សាំងបានច្រើនបំផុត

រាជធានីភ្នំពេញ៖ ពិតជាដំណឹងល្អ និងជាមោទនៈដែល ប្រទេសកម្ពុជាឈរនៅលំដាប់កំពូលតារាង ក្នុងចំណោមប្រទេសដែលមានអត្រាអ្នកចាក់វ៉ាក់សាំងកូវីដ១៩ច្រើនជាងគេនៅតំបន់អាស៊ាន។ ​ នេះបើតាមការចេញផ្សាយរបស់គេហទំព័រអន្តរជាតិដែលមានឈ្មោះថា​ Our World in Data។

បើយោងតាមការចេញផ្សាយដោយ Our World in Data បានចុះផ្សាយនៅថ្ងៃអាទិត្យសប្តាហ៍នេះ បានបញ្ជាក់ថា គិតត្រឹមថ្ងៃទី២៤ ខែតុលា ឆ្នាំ២០២១នេះ ប្រទេសកម្ពុជាជាប្រទេសស្ថិតក្នុងចំណោមប្រទេសទាំង១០ ពោលគឺប្រទេសសមាគមន៍ប្រជាជាតិអាស៊ីអាគ្នេយ៍ ( ASEAN ) ដែលមានអត្រាអ្នកទទួលចាក់វ៉ាក់សាំងរហូតដល់ ៨១% នៃចំនួនប្រជាជនសរុប ក្នុងនោះ៧៧% អ្នកដែលបានចាក់គ្រប់ដូស និង៤.១% ចាក់បានមួយដូស។ តាមរយៈតួលេខនេះកម្ពុជាគឺឈរលំដាប់កំពូលតារាង ក្នុងចំណោមប្រទេសដែលមានអត្រាអ្នកចាក់វ៉ាក់សាំងច្រើនជាងគេបំផុតមួយនៅតំបន់អាស៊ាន និងប្រទេសមហាអំណាចមួយចំនួន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ខាងក្រោមនេះជាតារាង នៃអត្រាប្រជាជនដែលបានចាក់វ៉ាក់សាំងកូវីដ១៩ ទៅតាមប្រទេសមួយចំនួន៖

១៖ កម្ពុជា ៨១%

២៖ សិង្ហបុរី ៨១%

៣៖ ព្រុយណេ ៧៩%

៤៖ ម៉ាឡេស៊ី ៧៧%

៥៖ ថៃ ៥៥%

៦៖ វៀតណាម ៥៣%

៧៖ ឡាវ ៤៣%

៨៖ ឥណ្ឌូនេស៊ី ៤១%

៩៖ ហ្វីលីពីន ២៥%

១០៖ មីយ៉ាន់ម៉ា ២០%