ញាក់សាច់! គ្រឿងញៀន ប្រភេទហេរ៉ូអុីន ប្រមាណ២៣០ គីឡូក្រាមចំនួន១០កេស ត្រូវបានបង្រ្កាបនៅខេត្តកោះកុង

ខេត្តកោះកុង៖ យោងតាមប្រភពព័ត៌មានដែលទទួលបានពីគេហទំព័រហ្វេសប៊ុកផ្លូវការរបស់លោកជំទាវ មិថុនា ភូថង អភិបាលនៃគណ:អភិបាលខេត្តកោះកុង កាលពីថ្ងៃទី២២ ខែតុលា ឆ្នាំ២០២១កន្លងទៅនេះ លោកឧត្តមសេនីយ៍ទោ ស្នងការនគរបាលខេត្ត បានដឹកនាំកម្លាំងអន្តរាគមន៍ពិសេស សហការ ជាមួយកម្លាំងអធិការដ្ឋាននគរបាលស្រុកស្រែអំបិល បង្ក្រាបបានករណីជួញដូរ និងរក្សាទុកគ្រឿងញៀន ០១ករណី នៅក្នុងចំណុចភូមិចំការក្រោម ឃុំស្រែអំបិល ស្រុកស្រែអំបិល ឃាត់ខ្លួនមុខសញ្ញាសង្ស័យបានចំនួន ០៦នាក់ប្រុស ក្នុងនោះមានជនជាតិថៃចំនួន ០២នាក់ ដកហូតវត្ថុតាងសរុបរួម ទូកធំ ០១គ្រឿង និងម្សៅក្រាមពណ៌សថ្លា ប្រមាណ ២៣០ គីឡូក្រាម ដាក់ក្នុងកេសចំនួន ១០កេស។

សូមរំលឹកផងដែលថា​ ក្រោយឃាត់ខ្លួនជនល្មើស និងចាប់បានគ្រឿងញៀនប្រមាណ ២៣០ គីឡូក្រាមរួចមក រដ្ឋបាលខេត្តកោះកុង ដែលមានតំណាងដ៏ខ្ពង់ខ្ពស់ពីសំណាក់លោក ជំទាវ មិថុនា ភូថង និងលោកឧត្តមសេនីយ៍ទោ ស្នងការនគរបាលខេត្ត បានធ្វើសន្និសីទសារព័ត៌មានមួយកាលពីម្សិលមិញនេះ ដោយបានពន្យល់ពីសកម្មភាពអន្តរាគមន៍ និងបង្រ្កាបករណីដ៏ធំមួយនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាស្រ័យដូចបានជម្រាបជូនខាងលើនេះ សូមពុកម៉ែ បងប្អូន និងសាធារណជនមេត្តាជ្រាបជាព័ត៌មាន៕

• រូបភាព