កងរាជអាវុធហត្ថ ត្រៀមកម្លាំង មធ្យោបាយ សម្ភារៈដើម្បីសង្គ្រោះ ពលរដ្ឋករណីទឹកជំនន់មកដល់

ភ្នំពេញ៖ នាពេលថ្មីៗនេះ កងរាជអាវុធហត្ថ បានត្រៀមកម្លាំង មធ្យោបាយ សម្ភារៈដើម្បីសង្គ្រោះ ពលរដ្ឋឲ្យ​បានទាន់ពេលវេលា ក្នុងករណីទឹកជំនន់មកដល់។

ជាក់ស្តែង ដោយអនុវត្តតាមការណែនាំ របស់លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស ក៏ដូចជាឯកឧត្តម ឃួង ស្រេង អភិបាលនៃគណៈអភិបាល រាជធានីភ្នំពេញ កម្លាំងអាវុធហត្ថរាជធានីភ្នំពេញ ក្រោមការដឹកនាំបញ្ជាផ្ទាល់ ពីលោក ឧត្តមសេនីយ៍ឯក រ័ត្ន ស្រ៊ាង បានត្រៀមលក្ខណៈ រួចជាស្រេច ទាំងកម្លាំង មធ្យោបាយ សម្ភារៈ ត្រៀមចូលរួម ជួយសង្គ្រោះប្រជាពលរដ្ឋ ដែលអាចនឹងរងគ្រោះ ដោយសារទឹកជំនន់ តាមបណ្តោយស្ទឹង ព្រែកត្នោត ដោយសារកម្ពស់ទឹកហក់ឡើងខ្ពស់ ត្រៀមប្រកាសអាសន្ន ប្រកបដោយស្មារតីម្ចាស់ការខ្ពស់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នៅរសៀលថ្ងៃទី២៥ ខែតុលា ឆ្នាំ២០២១ លោកឧត្តមសេនីយ៍ឯក រ័ត្ន ស្រ៊ាង ក៏បានចាត់តាំងក្រុមការងារចុះត្រួត ពិនិត្យស្ថានភាពទឹកស្ទឹងព្រែកត្នោត ព្រមទាំងសិក្សាភូមិសាស្ត្រជាក់ស្តែង ដែលអាចនឹងរងផលប៉ះពាល់ពីគ្រោះទឹកជំនន់ នៅក្នុងខណ្ឌដង្កោ ដើម្បីដាក់ចេញនូវផែនការរំដោះនិងជួយសង្គ្រោះពលរដ្ឋបានទាន់ពេលវេលា ក្នុងករណីមានទឹកជំនន់មកដល់៕

សូមចូលទស្សនារូបភាពខាងក្រោម៖