រំភើបជំនួស! គិលានុបដ្ឋាយិកាម្នាក់សុំមិត្តរួមក្រុមរៀបការ ក្រោយបំពេញការងារជាមួយគ្នាមួយរយៈ (មានវីដេអូ)

អាមេរិក៖ នាពេលថ្មីៗនេះ មានគិលានុបដ្ឋាយិកាពីរនាក់បង្កភាពភ្ញាក់ផ្អើលក្នុងបណ្តាញសង្គម ដោយមានម្នាក់បានសុំមិត្តរួមក្រុមរបស់គេរៀបការ នៅកណ្តាលផ្លូវក្នុងពេលប្រតិបត្តិការងារតែម្តង។

ដោយឡែក វីដេអូខ្លីមួយនេះត្រូវបានចែកចាញពេញបណ្តាញសង្គមត្រឹមរយៈខ្លី ដោយគិលានុបដ្ឋាយិកាកម្រិតសង្គ្រោះបន្ទាន់ម្នាក់ឈ្មោះថា ​Kelsey Dunlap នាងបានរុញរទេះរុញឡើងទៅលើឧទ្ធម្ភាគចក្រនៅលើដំបូលអគារ ដោយរំពឹងថានឹងមកយកអ្នកជំងឺ ប៉ុន្តែផ្ទុយទៅវិញJacob Young ដែលជាមិត្តប្រុស និងមិត្តរួមការងាររបស់នាងបានដើរមកសំដៅមក និងបានលុតជង្គង់រួចហើយយកចិញ្ជៀនមកសុំរៀបការកណ្តាលថ្ងៃចែសតែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប​ន្ទាប់ពីខាងប្រុសលេងឆៅៗបែបនេះមក ខាងស្រីក៏បានភាំងមួយសន្ទុះហើយក៏យល់ព្រមរៀបការជាមួយនឹង Jacob Young រួចក៏អោបគ្នានៅកណ្តាលវាល ដោយក្តីរំភើបក្រៃលែង។

គួររម្លឹកដែរថា គិលានុបដ្ឋាយិកាទាំងពីរនាក់នេះ បានស្រលាញ់គ្នាក្នុងពេលបម្រើការជាអ្នកមើលថែអ្នកជំងឺកូវីដ១៩កម្រិតធ្ងន់ផងដែរ៕

សូមចូលទស្សនារូបភាព និងវីដេអូខាងក្រោម៖

• យុវវ័យ
• ស្នេហា
• វីដេអូ