ថៃ៖ ចាប់តាំងពី តារាសម្តែងស្រី Bow Maylada បានបង្ហាញពីអំពីមូលហេតុ នៃការបែកគ្នាជាមួយតារាសម្តែងប្រុស លោក Mick Thongraya បានធ្វើឲ្យមហាជនជាច្រើន ចាប់អារម្មណ៍ពីរឿងរ៉ាវអ្នកទាំងពីរ ដោយសារតែខាងស្រី បានលាតត្រដាងថា នាងត្រូវបានគេសុំបញ្ចប់ ចំនួន៥លើក រួចមកហើយ និងបង្ហាញពីការខូចចិត្ត ផងដែរ។
ដោយឡែក ថ្មីៗនេះវិញ ស្រាប់តែ តារាប្រុស លោក Mick Thongraya បានផ្តល់បទសម្ភាសន៍ទាក់ទងនឹងបញ្ហានេះដូចគ្នា ដែលបានបង្ហើបឲ្យដឹងថា ស្ថានភាពផ្លូវចិត្តរបស់លោកនៅពេលនេះគឺមិនមានបញ្ហាអ្វីនោះទេ មានភាពសប្បាយរីករាយ និងបានផ្តោតអារម្មណ៍តែទៅលើការងារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំពោះរឿងរ៉ាវដែលបានលើកឡើងថា ទំនាក់ទំនងរបស់អ្នកទាំងពីរ មានការបែកគ្នា រហូត ដល់ទៅ ៥ ដងនោះ លោក Mick ក៏បាននិយាយថា ពេលទាក់ទងនរណាម្នាក់ គ្មាននរណាចង់បោះបង់ចោលនោះទេ។ ប៉ុន្តែជាមួយនឹងបញ្ហាដែលកើតឡើងនោះ លោក Mick ក៏បានព្យាយាមជាច្រើនដងទៅហើយ រហូតដល់ លើកទី៥ គឺវានៅតែគ្មានភាពប្រសើរឡើង។ ម៉្យាងវិញទៀត ហេតុផលសម្រាប់ការបញ្ចប់ទំនាក់ទំនងមួយនេះ គឺវាមានភាពជ្រាលជ្រៅខ្លាំងណាស់ រហូតដល់ តារាប្រុសរូបនេះ មិនអាចបង្ហើបប្រាប់បាននោះទេ។
ប៉ុន្តែ តារាប្រុសរូបនេះ នៅតែលើកឡើងថា រាល់ពេលដែលនិយាយគ្នា ឬពេលវេលាឈ្លោះប្រកែកគ្នា មិនយល់ពីគ្នាទៅវិញទៅមក លោកក៏បានព្យាយាមកែតម្រូវហើយ ប៉ុន្តែ ឆ្លងកាត់ច្រើនដងនោះ លោកមានអារម្មណ៍ថា វាកាន់តែពិបាកទៅៗ ហើយ ចុងក្រោយ គឺអាស្រ័យលើការសម្រេចចិត្តរបស់អ្នកទាំងពីរ ដែលបានបញ្ឈប់ទំនាក់ទំនងមួយនេះ អាចនៅធ្វើត្រឹមតែជាបងប្អូនដ៏ល្អនឹងគ្នា ជាពិសេស លោកថែមទាំងបាន បញ្ជាក់ថា គ្មានបញ្ហាភាគីទីបី នៅក្នុងទំនាក់ទំនងស្នេហារបស់អ្នកទាំងពីរនោះទេ៕
ប្រភព៖ Kapook
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
