ក្តៅៗ ពេលនេះទ្វារទឹក​រន្ធនាគ​ ស្ថិតនៅភូមិកន្ទុយទឹក​ សង្កាត់​ទៀន​ ខណ្ឌដង្កោ បានបាក់ស្រុតហើយ

រាជធា​នីភ្នំពេញ៖ យោងតាមប្រភពវីដេអូដែលទទួលបាននៅវេលាម៉ោង១ រសៀលយើងទី២៧ ខែតុលា ឆ្នាំ២០២១នេះ ទ្វារទឹក​រន្ធនាគ​ ដែលស្ថិតនៅក្នុងភូមិសាស្រ្ត ភូមិកន្ទុយទឹក​ សង្កាត់​ទៀន​ ខណ្ឌដង្កោ បានបាក់ស្រុតហើយ ដោយផ្លូវបេតុងមួយខ្សែដែលនៅប្រកនឹងផ្លូវនោះ ក៏ត្រូវបានបាក់ស្រុតទៅជាមួយ ដោយសារតែកម្លាំងទឹកហូរខ្លាំង ពីស្ទឹងព្រែកត្នោត។

សូមរំលឹកផងដែលថា កាលពីយប់ថ្ងៃទី២៦ ខែតុលា ឆ្នាំ២០២១កន្លងទៅនេះ មន្ទីរសាធារណការ និងដឹកជញ្ចូន រាជធានីភ្នំពេញ ក៏ធ្លាប់បានជូនដំណឹងប្រកាសអាសន្នឲ្យដឹងផងដែលថា ទឹកជំនន់ស្ទឹងព្រែកត្នោតកំពុងវាយលុក ដោយបានអំពាវនាវ សូមប្រជាពលរដ្ឋរស់នៅក្នុងភូមិសាស្ត្រសង្កាត់គង់នយ សង្កាត់ទៀន សង្កាត់ស្ពានថ្ម សង្កាត់ព្រែកកំពឹស និងសង្កាត់រលួស ក្នុងខណ្ឌដង្កោ ត្រូវជម្លៀសចេញពីលំនៅដ្ឋានដើម្បីរកទីទួលសុវត្ថិភាពជាបន្ទាន់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាស្រ័យដូចដែលបានជម្រាបជូនខាងលើនេះ សូមបងប្អូន ប្រជាពលរដ្ខ ដែលកំពុងរស់នៅក្នុងទីតាំងប្រកាសអាសន្នខាងលើនេះ មេត្តាជ្រាបជាព័ត៌មាន៕

• រូបភាព