ការច្រាលអាស៊ីដក្រពះ គឺជាបញ្ហានៃការរំលាយអាហារទូទៅមួយកើតឡើងនៅពេលអាស៊ីដរបស់ក្រពះច្រាលចូលទៅក្នុងបំពង់អាហារវិញ។ បញ្ហាច្រាលអាស៊ីដក្រពះម្ដងម្កាលមិនមែនជារឿងចម្លែកនោះទេ ប៉ុន្តែអ្នកខ្លះអាចកើតមានបញ្ហាញឹកញាប់ ដោយមិនស្រួលខ្លួន ហើមពោះ និងភើស្ទើរតែគ្រប់ពេល នៅពេលញ៉ាំអាហារ។ បើគ្នាយើងមានបញ្ហាច្រាលអាស៊ីដក្រពះគួស្វែងរកជំនួយពីគ្រូពេទ្យ។ ទន្ទឹមនឹងនេះដែរ អ្នកមានបញ្ហានេះ ក៏គួរប្រយ័ត្នប្រយែងចំពោះអាហារដែរ។
១.អាហារអាចធ្វើឱ្យក្រហាយទ្រូង(ច្រាលអាស៊ីដ)
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាហារមួយចំនួនអាចធ្វើឲ្យក្រហាយទ្រូង ដោយធ្វើឲ្យសាច់ដុំខ្ជឹបបំពង់អាហារមិនសូវធ្វើការ និងពន្យារពេលនៃដំណើរការរំលាយអាហារ នាំឲ្យអាហារនៅក្នុងក្រពះយូរ មិនងាយរំលាយ។ អាហារទាំងនោះមានដូចជា៖
- អាហារចៀន
- អាហារកែច្នៃ
- ភីហ្សា
- ដំឡូងបារាំងនិងអាហារកែច្នៃផ្សេងទៀត
- ម្សៅម្ទេសនិងម្រេច
- សាច់ខ្លាញ់ដូចជា សាច់ក្រកនិងសាច់ជ្រូកបន្ទះ
- ឈីស
អាហារផ្សេងទៀតដែលអាចបង្កបញ្ហាដូចគ្នារួមមាន៖
- ទឹកជ្រលក់ប៉េងប៉ោះ
- ផ្លែក្រូច
- សូកូឡា
- ម្ទេសប្លោក
- ភេសជ្ជៈកំប៉ុង
២.អាហារជួយការពារការច្រាលជាតិអាស៊ីដ
ខាងក្រោមនេះជាអាហារបីប្រភេទដែលគ្នាយើងគួរតែញាំដើម្បីជួយបង្ការបញ្ហាច្រាលអាស៊ីដក្រពះ៖
– អាហារមានជាតិសរសៃខ្ពស់
អាហារមានជាតិសរសៃធ្វើឱ្យយើងមានអារម្មណ៍ថាឆ្អែត ដូច្នេះយើងអាចនឹងមិនសូវញាំច្រើន ដែលអាចកាត់បន្ថយដល់ការក្រហាយទ្រូង។ យើងអាចទទួលបានជាតិសរសៃពីអាហារទាំងនេះ៖
- ធញ្ញជាតិដូចជា oatmeal និងអង្ករសំរូប
- ដំឡូងជ្វា ការ៉ុតនិងឆៃថាវ
- បន្លែបៃតងដូចជា ទំពាំងបារាំង ខាត់ណាខៀវ និងសណ្ដែកបៃតង
– អាហារមានសារធាតុអាល់កាឡាំង
អាហារអាល់កាឡាំងរួមមាន៖
- ផ្លែចេក
- ផ្លែឪឡឹក
- ផ្កាខាត់ណា
- សណ្ដែកដី គ្រាប់ស្វាយចន្ទី អាល់ម៉ុន
– អាហារមានជាតិទឹក
ការញ៉ាំអាហារដែលមានជាតិទឹកច្រើនអាចធ្វើឱ្យអាស៊ីដក្រពះថយចុះ។ អាហារសម្បូរជាតិទឹករួមមាន៖
- ត្រសក់
- សាឡាត់
- ឪឡឹក
- ទឹកស៊ុបរំងាស់
- តែរុក្ខជាតិ
ពេលណាគួរទៅជួបជាមួយពេទ្យ
ប្រសិនបើមានការក្រហាយទ្រូងពីរដងឬច្រើនដងក្នុងមួយសប្ដាហ៍ ហើយបើទោះជាយើងប្ដូររបបអាហារហើយក៏នៅតែមិនបាត់យើងគួរតែពិគ្រោះជាមួយគ្រូពេទ្យពីបញ្ហានេះ។ គ្រូពេទ្យ អាចធ្វើតេស្តដើម្បីវាស់ជាតិអាស៊ីដក្នុងក្រពះនិងមើលថាតើការច្រាលអាស៊ីដញឹកញាប់អាចធ្វើឱ្យខូចបំពង់អាហាររបស់យើងឬទេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
