មែនក៏អី? ស្ងាត់ៗ ព្រាប សុវត្ថិ ឡើងងារជាឧកញ៉ា?

រាជធានីភ្នំពេញ៖ ពិតណាស់ អ្នកណាក៏ដឹងដែរថា កំពូល​តារាចម្រៀង​ប្រចាំ​ប្រទេស​លោក ព្រាប សុវត្ថិ ទទួលសន្ទុះនៃការគាំទ្រកាន់តែខ្លាំងថែមទៀត ក្រោយចូលទ្រនំថ្មីផលិតកម្ម Galaxy ហើយក៏កាក់កបជាមួយជំនួញថែមទៀត នាពេលថ្មីៗនេះ លេចព័ត៍មានថា តារាចម្រៀងរូបនេះ ឡើងងារជាឧកញ៉ាហើយ។

បើតាម ប្រភព​ព័ត៌មានច​ចាម​អារ៉ាម​ដែល​និយាយ​តៗ​គ្នា​បានថា ​កំពូល​តារាចម្រៀង​លោក ព្រាប សុវត្ថិ ទំនង​ឡើង​ងារ​ជា​ឧកញ៉ា​ហើយ ​ប៉ុន្តែ​ដំណឹង​នេះ​មិន​ត្រូវបាន​ទម្លាយ​ឲ្យ​មហាជន​ដឹង​ជា​សាធារណ​:នោះឡើយ​​។​ ក្នុងនោះដែរ​ ក៏មាន​ប្រភព​មួយចំនួន បានបង្ហើបថា ​លោក ព្រាប សុវត្ថិ គួរតែ​ក្លាយជា​ឧកញ៉ា​ដែរ​ហើយ​។​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែល​ធ្វើ​ឲ្យ​អ្នកគាំទ្រ​និង​មហាជន​ចង់ដឹងចង់លឺនោះ គឺ​ ព័ត៌មានចចាមអារ៉ាមតៗគ្នាថា ​លោក ព្រាប សុវត្ថិ ឡើង​ងារ​ជា​ឧកញ៉ា​នេះ ​គឺ​ចំពេលដែលការប្រកបរបររក​ស៊ី​ផ្នែកអចលនទ្រព្យ ​និង​មុខ​ជំ​នួញ​ដទៃទៀតរបស់តារាចម្រៀងរូបនេះ កំពុងតែកាក់កបដំណើរការរលូតទៅមុខនោះ។​

ពាក់ព័ន្ធនឹងព័ត៍មានចចាមអារ៉ាមនេះ លោក ព្រាប សុវត្ថិ ពុំទាន់មានការឆ្លើយតបឬប្រតិកម្មយ៉ាងណានៅឡើយទេ ខណៈពេលដែលអ្នកគាំទ្រ ក៏ដូចជាមហាជន កំពុងរកចាំចម្លើយពីរូបលោក៕