សង្ស័យណាស់! ខួបឆ្នាំនេះ អ្នកមេម៉ាយ Aff Taksaorn ត្រូវកម្លោះក្មេងម្នាក់បង្ហាញរូបផ្អែមល្ហែម

ថៃ៖ ថ្មីៗនេះ នៅក្នុងឱកាសថ្ងៃខួបកំណើតចូលវ័យ៤១ឆ្នាំ របស់តារាសម្ដែងស្រី Aff Taksaorn ត្រូវបានហ្វេនៗជាច្រើន ឃ្លាំមើលពី​បរិយាកាស​នៃ​ការរៀបចំកម្មវិធី ជាពិសេស ធ្វើឲ្យមានការភ្ញាក់ផ្អើលសាជាថ្មី បន្ទាប់ពីឃើញថា រូបនាងត្រូវបានកម្លោះសង្ហាៗជាច្រើនរូប ដែលធ្លាប់មានការសង្ស័យពីទំនាក់ទំនងស្នេហា ជាមួយនាង ចូលមកអបអរសាទរដល់នាង ទៀតផង។ 

ហើយអ្វីដែលគួរឲ្យចាប់អារ​ម្មណ៍ជាងនេះទៅទៀត ស្រាប់តែមានអ្នកគាំទ្រមួយចំនួនរកឃើញថា លោក Neng Sarun ដែលជាតារាវ័យក្មេង និងជា​វេជ្ជបណ្ឌិត​មួយរូប ក៏បានចេញមកបង្ហោះរូបភាពមួយសន្លឹក គូជាមួយនឹង តារាស្រី Aff Thaksorn យ៉ាងស្និទ្ធស្នាល នៅលើ Instagram របស់​ខ្លួន​  រួម​ទាំង​ភ្ជាប់​សារអបអរ​ថ្ងៃ​កំណើត​ទៅ​ដល់នាង ថែមទៀត។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ហេតុការណ៍នេះ ក៏​បាន​ធ្វើ​ឲ្យ​​អ្នក​គាំទ្រ​របស់ Aff កាន់តែមានភាពសប្បាយរីករាយ ព្រោះ ទោះជាមិនទាន់ដឹងច្បាស់ថា វាគឺជាទំនាក់ទំនងបែបណាឲ្យប្រាកដក៏ដោយ តែមើលទៅអាច​និយាយ​បាន​ថា​ ​ចំណង​មិត្តភាព​នៅក្នុង​វិស័យ​សិល្បៈរបស់អ្នកទាំងពីរ គឺមានភាពចុះសម្រុង ល្អប្រសើរ ផងដែរ៕ 

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ