ពេញចិត្តអត់? ឈុតតំណាងជាតិថ្មី បវរកញ្ញាហ្គ្រែនកម្ពុជា ស្អាត បង្កប់អត្តសញ្ញាណជាតិ

តារាកម្សាន្ត៖ ទីបំផុតស្ថាប័នបវរកញ្ញាហ្គ្រែនកម្ពុជា បានប្រកាសប្តូរឈុតតំណាងជាតិថ្មី ដោយបានជ្រើសរើសយកឈុតតំណាងខេត្តព្រះសីហនុ ដ៏ល្អប្រណីត សម្រាប់ត្រៀមយកទៅបង្ហាញនៅក្នុងកម្មវិធី បវរកញ្ញាហ្រ្គែនអន្តរជាតិ ដែលគ្រោងនឹងប្រារព្ធឡើងនៅដំណាច់ខែធ្នូ ឆ្នាំ២០២១ ខាងមុខនេះ។

យ៉ាងណាមិញ បើធ្វើការសង្កេតឲ្យបានលម្អិតទៅលើប្រណីតភាពនៃឈុតនេះ គេឃើញថាឈុតដែលច្នៃដោយស្នាដៃកូនខ្មែរនេះ បានបង្គប់នូវអត្តសញ្ញាណជាតិ ដួងព្រលឹងនៃប្រទេសកម្ពុជា តាមរយ:ព្យញ្ជនៈខ្មែរ( ក.ខ.គ ) បូកបន្ថែមទាំងឆ្នេរខ្សាច់សស្អាតនិងសមុទ្រពណ៌ខៀវ ដែលបង្ហាញពីសម្រស់នៃឆ្នេរសមុទ្រខ្មែរ ស្ថិតនៅទិសនិរតីនៃប្រទេសកម្ពុជា ហើយគ្រោងនឹងបញ្ចូលនូវប្រាសាទអង្គរវត្តដែលជាដួងព្រលឹងរបស់ប្រទេសកម្ពុជាទៅក្នុងឈុតនេះ ដើម្បីបង្កើនអត្ថន័យ និងបន្ថែមភាពប្រណីតមួយចំនួនថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលថា កម្មវិធីប្រកួតបវរកញ្ញាហ្រ្គែនអន្តរជាតិ ឬ Miss Grand International គ្រោងនឹងប្រារព្ធឡើងនៅថ្ងៃសៅរ៍ ទី៤ ខែធ្នូ ឆ្នាំ២០២១ខាងមុខនេះ ដែលប្រទេសថៃនឹងទទួលរៀបចំ ដំណើរការនៃការប្រកួត៕

ចង់ឃើញថាតើ ឈុតតំណាងជាតិកម្ពុជាមួយនេះ ស្រស់ស្អាតយ៉ាងណានោះ សូមទស្សនារូបភាពខាងក្រោមនេះទាំងអស់គ្នា៖

ប្រភពរូបភាព: គេហទំព័រហ្វេសប៊ុក Miss Grand Cambodia

• ម៉ូត
• រូបភាព
• តារាខ្មែរ