ទៅខ្វល់ពាក្យមេម៉ាយធ្វើអ្វី បើ Zhao Liying សោយសុខលើគំនរទ្រព្យរាប់លាន

ចិន៖ អស់រយៈពេលជាច្រើនខែ ដែលបានលែងលះគ្នាជាមួយនឹងស្វាមី តារាសម្ដែងស្រី Zhao Liying កាន់តែត្រូវបានមនុស្សជាច្រើន ចាប់អារម្មណ៍ និងតាមដាន ចង់ដឹងពីសកម្មភាព ក៏ដូចជា រឿងរ៉ាវផ្ទាល់ខ្លួនរបស់នាង។ 

ថ្មីៗនេះ យោងតាម គេហទំព័រដ៏ល្បីមួយ បាន​លាតត្រដាង​ពី ​ទ្រព្យ​សម្បត្តិ​ដ៏គួរឲ្យភ្ញាក់ផ្អើល របស់ តារាស្រីរូបនេះ បន្ទាប់ពី នាងបានចូលប្រឡូកនៅក្នុងសិល្បៈ ​ជិត ១៥​ឆ្នាំមកនេះ ដោយអាចរកចំណូល បានជាមធ្យមក្នុងមួយឆ្នាំ ប្រហែល ១០០ លានយ័ន (ប្រមាណ ១៥លាន ដុល្លារ)។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ សម្រាប់រឿងភាគនីមួយៗ ដែល Zhao Liying អាចទទួលបានប្រាក់ចំណូលនោះ ប្រហែល ខ្ទង់ ៣០ លានយ័ន (ប្រមាណជាង ៤ លានដុល្លារ) ។ លើសពីនេះ រួមទាំងមានចំណូល ពីការចុះកិច្ចសន្យាជាមួយនឹង ម៉ាកយីហោល្បីៗ និងបានវិនិយោគក្នុងក្រុមហ៊ុនចំនួន ៨ ដោយទទួលបានប្រាក់ចំណេញយ៉ាងច្រើនសន្ធឹកសន្ធាប់ ទៀតផង។

ម៉្យាងវិញទៀត នៅពាក់កណ្តាលឆ្នាំ ២០២១ នេះ តារាស្រី Zhao Liying ថែមទាំងបានចំណាយលុយ លើផ្ទះវីឡាដ៏ប្រណីតមួយ ដែលមានតម្លៃរហូតដល់ ១០០ លានយ័ន (ប្រមាណ ១៥ លានដុល្លារ) នៅទីក្រុងប៉េកាំង ផងដែរ៕

ប្រភព៖ Ngoisao.vn

សូមទស្សនារូបភាពខាងក្រោម៖ 

• តារាចិន