ក្តៅៗ! Zayn ត្រូវបានម្ដាយក្មេកចោទថា វា.យធ្វើបាបនិងជេរប្រមាថប្រពន្ធ ត្រូវឃុំខ្លួន៣៦០ថ្ងៃ

បរទេស៖ ថ្មីៗនេះ បើយោងតាម TMZ កាលពីថ្ងៃទី ២៩ខែតុលា តារាចម្រៀង Zayn Malik កំពុងប្រឈមមុខនឹងបញ្ហាផ្លូវច្បាប់មួយចំនួនបន្ទាប់ពី Yolanda Hadid (ម្តាយរបស់ Gigi Hadid) បានចោទប្រកាន់តារាចម្រៀងប្រុសរូបនេះ ពីបទរំលោភបំពានរាងកាយ និងជេរប្រមាថ គាត់កាលពីសប្តាហ៍មុន។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះផងដែរ ទោះបីជាអតីតសមាជិក One Direction ចង់ដោះស្រាយវិវាទនេះជាលក្ខណៈឯកជនយ៉ាងណាក៏ដោយ ក៏ម្តាយក្មេករបស់លោក នៅតែប្តេជ្ញាចិត្តដាក់ពាក្យបណ្ដឹង ទៅកាន់ប៉ូលីសដដែល។  

តាមប្រភពដដែលបានឲ្យដឹងថា ហេតុការណ៍នេះបានកើតឡើង នៅផ្ទះឯកជនរបស់គូស្នេហ៍មួយគូនេះ ក្នុងរដ្ឋ Pennsylvania សហរដ្ឋអាមេរិក។ Zayn Malik ត្រូវ​បាន​គេ​ចោទ​ប្រកាន់​ពី​បទ​ជេរ​ប្រមាថ និង​រុញម្ដាយក្មេក ចូលទៅ​ក្នុង​ទូ ​ដែល​ធ្វើ​ឲ្យ​ម្ដាយក្មេក​ឈឺ​ចាប់​ទាំង​ផ្លូវ​កាយ និង​ផ្លូវ​ចិត្ត។ ជាមួយគ្នានេះ Zayn មិន​ត្រឹម​តែ​ប្រើ​ពាក្យ​អាស​អាភាស​និយាយទៅកាន់ម្ដាយ​ក្មេក​ប៉ុណ្ណោះ​ទេ លោក​ក៏​ហាម​គាត់មិនឲ្យទៅ​ជិត​កូន​ស្រី​អាយុ​១៣​ខែ​របស់ខ្លួនថែមទៀតផង។

លើសពីនេះ តារាចម្រៀងប្រុសវ័យ ២៨ ឆ្នាំរូបនេះ ក៏ត្រូវរងការចោទប្រកាន់ថា បានជេរមិត្តស្រីរបស់ខ្លួនតាមទូរស័ព្ទ និងប្រឈមនឹងការចោទប្រកាន់ពីបទបៀតបៀន។ ដែលព័ត៌មាននេះ ពិតជាធ្វើឲ្យបណ្ដាអ្នកគាំទ្រមួយចំនួន មានការខកចិត្តជាខ្លាំងចំពោះរូបលោក។

យ៉ាងណាមិញ ចំពោះ​អំពើ​ហិង្សា​ផ្លូវ​កាយ​ និង​សង្គ្រាមពាក្យ​សម្ដី​ជា​បន្តបន្ទាប់​លើ​ម្ដាយ​និងប្រពន្ធ តារាប្រុសរូបនេះ ត្រូវ​បាន​ឃុំ​ខ្លួន​រយៈពេល ៣៦០ថ្ងៃ ដើម្បីឲ្យលោកចេះរៀនរម្ងាប់កំហឹង និងរៀនសូត្រអំពីការបញ្ឈប់ការប្រើអំពើហិង្សាក្នុងគ្រួសារផងដែរ៕

ប្រភព៖ kenh14.vn

• រូបភាព
• តារាអន្តរជាតិ