ជីវិតអ្នកមាន មិនស្រួលទេ ពេលនេះ សាន់ឆាយ និងស្វាមី លេចឮ លែងលះទៀតហើយ

តៃវ៉ាន់៖ នៅថ្ងៃទី ៣០ ខែតុលា កន្លងទៅនេះ យោងតាមទំព័រ ​​QQ បានធ្វើឲ្យមហាជនជាច្រើន ភ្ញាក់ផ្អើលទៅលើ ព័ត៌មានមួយ ដែលបានលើកឡើងថា ទំនាក់ទំនង តារាស្រី Barbie Hsu និង ស្វាមី លោក Wang Xiaofei បានឈានដល់កិច្ចព្រមព្រៀងលែងលះគ្នាហើយ ដោយអ្នកទាំងពីរ ​បាន​សម្រេច​ចិត្ត​បញ្ចប់​ទំនាក់​ទំនង​ ​បន្ទាប់​ពី ​មិន​អាច​ដោះស្រាយ​ជម្លោះ​បាន អស់រយៈពេលជាច្រើនខែ។

តាមប្រភពដដែលនេះ បាននិយាយថា នៅដើមខែតុលា លោក Wang Xiaofei បានត្រលប់ទៅតៃវ៉ាន់វិញ ដើម្បីចុះហត្ថលេខា លើឯកសារលែងលះ និង ពិភាក្សាអំពីការមើលថែទាំកូន ព្រមទាំងការបែងចែកទ្រព្យសម្បត្តិ ជាមួយនឹង Barbie Hsu ។ ហើយអ្នក​ទាំង​ពីរ​ ថែមទាំងបាន​សារភាពទៅកាន់មិត្តជិតស្និទ្ធ​ថា ​បាន​បែក​គ្នា​​ហើយ ប៉ុន្តែ​មិន​ទាន់បាន​ប្រកាស​ប្រាប់​សារព័ត៌មាន ​នោះ​ទេ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងទៀត ខាងសារព័ត៌មានមួយ បានធ្វើការទាក់ទងទៅស្វាមីតារាស្រីរូបនេះ ដើម្បីសួរអំពីព័ត៌មានដែលថា លោកបានបញ្ចប់ទំនាក់ទំនងប្ដីប្រពន្ធជាមួយនាងនោះ តែ អ្នកជំនួញរូបនេះ មិនបានផ្តល់ចម្លើយអ្វីទេ ដែលអាកប្បកិរិយាមិនច្បាស់លាស់នេះគឺ ហាក់ខុសពីលើកមុន ដែលធ្វើឱ្យប្រព័ន្ធផ្សព្វផ្សាយ រាយការណ៍ថា ប្ដីប្រពន្ធអ្នកទាំងពីរ បានឈានដល់ផ្លូវបំបែកជាផ្លូវការហើយ៕

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន