ការពិតអត់ហ្នឹង Jennie ស្រាប់តែបង្ហាញរូបមួយ ឲ្យសង្ស័យមានស្នេហាជាមួយកីឡាកររូបនេះ

កូរ៉េខាងត្បូង៖ បច្ចុប្បន្ននេះ រាល់ការបង្ហោះរបស់ តារាចម្រៀងស្រី Jennie សមាជិកក្រុម BLACKPINK តែងតែត្រូវបានអ្នកគាំទ្រជាច្រើន មើលឃើញ និងតាមដានយ៉ាងពេញទំហឹង ជាពិសេស ពួកគេថែមទាំងបានរកឃើញថា តារាស្រីរូបនេះ ធ្លាប់បានបង្ហោះរូបថតជាច្រើនសន្លឹកដោយចៃដន្យបង្ហាញពីតម្រុយមួយ ធ្វើឲ្យមានការសង្ស័យពីទំនាក់ទំនងស្នេហាជាមួយនឹង ជាមួយនឹង កំពូលកីឡាបាល់ទាត់ម្នាក់។

នៅក្នុងនោះដែរ កាល​ពី​ខែ​ធ្នូ​ កន្លង​ទៅ តារា​ស្រី Jennie បាន​បង្ហោះ​រូប​ភាព​បន្តបន្ទាប់​ ក្នុងឈុត​សម្លៀក​បំពាក់​ពណ៌​ស្វាយយ៉ាងស្រស់ស្អាត ដោយចៃដន្យនោះ អ្នក​លេង​អ៊ីនធឺណេតកូរ៉េ​ បាន​រក​ឃើញ​ថា កំពូល​តារាបាល់ទាត់ លោក Zinedine Zidane ក៏​បាន​ស្លៀក​សម្លៀក​បំពាក់​ស្រដៀង​គ្នានេះ​ដែរ ហើយ​បាន​ថត​រូប​ជាមួយ​នឹង​ស្ទាយ៍ស្រដៀងគ្នាថែមទៀត ដែលមានសត្វចិញ្ចឹមរបស់ពួកគេនៅជាមួយ ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើទោះបីជា ហ្វេនៗគ្រប់គ្នាដឹងថា នេះគ្រាន់តែជាការចៃដន្យតែប៉ុណ្ណោះ និងគ្មានអ្វីពាក់ព័ន្ធគ្នាឡើយ ប៉ុន្តែភាពស្រដៀងគ្នាមួយនេះ ពិតជាបង្កឲ្យមានភាពភ្ញាក់ផ្អើល ក៏ដូចជា ធ្វើឱ្យអ្នកនិយមលេងអ៊ីនធឺណេត ផ្ទុះការចាប់អារម្មណ៍យ៉ាងខ្លាំង ដែលមើលទៅ ពួកគេទាំងពីរ ហាក់ដូចជា កំពុងតែបង្អួតរូបថតស្វីតៗដោយប្រយោល នៅលើបណ្ដាញសង្គម៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាកូរ៉េ