ការពិនិត្យទឹកនោមពេល​ពពោះ ជួយម៉ាក់ៗដឹងពីបញ្ហាសុខភាព!

ការពិនិត្យទឹកនោមពេលតាមដានសុខភាពគភ៌ជារៀងរាល់ខែអាចឱ្យគ្រូពេទ្យដឹងពីជំងឺ ឬលក្ខខណ្ឌដែលអាចប៉ះពាល់ដល់ម៉ាក់ៗ ឬទារកក្នុងផ្ទៃ។ តើការពិនិត្យទឹកនោមអំឡុងពេលតាមដានសុខភាពគភ៌អាច​​ឱ្យគ្រូពេទ្យ និងម៉ាក់ៗដឹងពីជំងឺអ្វីខ្លះ?

១. ជំងឺទឹកនោមផ្អែម

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការមានជាតិគ្លុយកូស (ឬជាតិស្ករ) ខ្ពស់នៅក្នុងទឹកនោមអាចបញ្ជាក់ថាម៉ាក់ៗ​​មានជំងឺ​ទឹកនោមផ្អែម​ប្រភេទទី ១ ប្រភេទទី ២ ឬមានជំងឺទឹកនោម​​ផ្អែម​នៅពេលមានផ្ទៃពោះ។

២. ជំងឺបម្រុងក្រឡាភ្លើង

ប្រសិនបើក្នុងទឹកនោមម៉ាក់ៗមានកម្រិតប្រូតេអ៊ីនខ្ពស់ វាអាចជាសញ្ញានៃការមាន​ជំងឺបម្រុង​ក្រឡា​ភ្លើង ឬជំងឺលើសសម្ពាធឈាមដែលបណ្ដាលមកពីការមានផ្ទៃពោះ។

៤. ការឆ្លងមេរោគផ្លូវទឹកនោម

ការមានមេរោគ ឬកោសិកាឈាមសនៅក្នុងទឹកនោមអាចជាសញ្ញានៃការឆ្លងមេរោគផ្លូវទឹកនោម។

៥. បញ្ហាតម្រងនោម

ការមានប្រូតេអ៊ីនខ្ពស់ ឬឈាមនៅក្នុងទឹកនោមអាចជាសញ្ញានៃការមានបញ្ហាតម្រងនោម។

៤. ការខ្វះជាតិទឹក

ជា​ធម្មតាទឹកនោម​ពណ៌​ក្រមៅអាច​ជា​សញ្ញានៃការខ្វះជាតិទឹក ដូច្នេះម៉ាក់ៗត្រូវញុំាទឹក​​បន្ថែម​។

ការពិនិត្យទឹកនោមអំឡុង​ពេលតាមដានសុខភាពគភ៌ជារៀងរាល់ខែអាចឱ្យ​គ្រូពេទ្យ​ធ្វើការព្យាបាល​ម៉ាក់ៗ​ទាន់ពេលវេលា និងបង្ការផលវិបាកនៃជំងឺមួយចំនួន ប្រសិនបើទឹកនោមម៉ាក់ៗមានបញ្ហា។

ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕ 

អត្ថបទផ្ដល់សិទ្ធិដោយ Hello Krupet