​មិនធម្មតា មង្គលការតារាស្រី TVBម្នាក់ លេងខ្លួនបែបអភិជន ពាក់មាសឡើងជ្រែកខ្លួន

ហុងកុង៖ ថ្មីៗនេះ តាមរយៈប្រព័ន្ធផ្សព្វផ្សាយហុងកុង បានបង្ហាញពីដំណឹងល្អ ជាមួយនឹងការបង្ហាញរូបភាពជាច្រើនសន្លឹក ដ៏គួរឲ្យចាប់អារម្មណ៍យ៉ាងខ្លាំង នៅក្នុងថ្ងៃមង្គលការ តារាស្រី TVB Chen Shixin និង ស្វាមី ពោរពេញដោយភាពកក់ក្ដៅ។

ក្នុងនោះដែរ ត្រូវបានគេដឹងថា ពិធីរៀបការរបស់តារាស្រីរូបនេះ មានភ្ញៀវចូលរួមចំនួន ២៤០ នាក់ ដែលធ្វើឲ្យទស្សនិកជនមានភាពភ្ញាក់ផ្អើល ដែលមិននឹកស្មានថា នាងអញ្ជើញភ្ញៀវចូលរួមច្រើនដល់ថ្នាក់នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស អ្វីដែលធ្វើឲ្យហ្វេនៗកាន់តែយកចិត្តទុកដាក់ខ្លាំងឡើងនោះគឺ រូបភាពតារាស្រី Chen Shixin តែងខ្លួនក្នុងឈុតកូនក្រមុំ ពិតជាមានភាពស្រស់ស្អាត ព្រមទាំងបានបំពាក់ដោយគ្រឿងអលង្កាយ៉ាងប្រណីត មានទាំងកងដៃ និងចិញ្ចៀន ។ មិនត្រឹមតែប៉ុណ្ណោះ នាងថែមទាំងទទួលបានគ្រឿងអលង្ការជាច្រើនទៀត​ ដែលអាចនិយាយបានថា ជាបណ្ណាការពីគ្រួសារខាងប្រុស ផងដែរ។​

គួរបញ្ជាក់ផងដែរថា ស្វាមីរបស់តារាស្រីរូបនេះ មានអាយុតិចជាងនាងដល់ទៅ ៣ ឆ្នាំ ប៉ុន្តែមានភាពចុះសម្រុងគ្នាយ៉ាងល្អ ជាពិសេស រឿងរ៉ាវនៅក្នុងទំនាក់ទំនងអ្នកទាំងពីរត្រូវបានគេដឹងថា ស្វាមីរបស់នាងបានចំណាយពេល ជាងកន្លះឆ្នាំ ដើម្បីសុំរៀបការ រហូតដល់ ខែកក្កដា កន្លងទៅនេះ អ្នកទាំងពីរក៏បានភ្ជាប់ពាក្យ ហើយនៅពេលចុងខែតុលា គូស្វាមីភរិយាគូនេះ ក៏បានចូលរោងការ យ៉ាងមានក្ដីសុខ៕ 

ប្រភព៖ Eva.vn

សូមទស្សនារូបភាពខាងក្រោម៖ 

• តារាចិន