កូនល្អ! ទោះរៀបការមានគ្រួសារ Dome Pakorn មិនភ្លេចចំណាយពេលជាមួយអ្នកម្ដាយ

ថៃ៖ ពិតណាស់ តារាសម្ដែងរូបសង្ហាមានមន្តស្នេហ៍ Dome Pakorn ទោះមានអាយុច្រើនបន្តិចមែន តែលោកនៅតែទទួលបានការចាប់អារម្មណ៍ និងមានហ្វេនគាំទ្រច្រើនមិនចាញ់តារាដទៃប៉ុន្មានឡើយ។​ ម្យ៉ាងតារារូបនេះ មានទេពកោសល្យល្អ ហើយមិនថាសម្ដែង ឬច្រៀងឡើយតារារូបនេះ តែងតែធ្វើឲ្យមហាជនសរសើរស្ទើរគ្រប់ពេលតែម្ដង។ 

យ៉ាងណាមិញ បើក្រឡេកទៅមើលជីវិតឯកជនរបស់ Dome Pakorn គេដឹងផងដែរថា តារារូបនេះទើបតែរៀបការ​ និងបានសាងជីវិតគ្រួសារយ៉ាងមានសុភមង្គលពេញទំហឹង។ ក្នុងនោះដែរ ក្រៅពីបង្ហាញសកម្មភាពផ្អែមល្ហែមជាមួយភរិយា គេតែងតែឃើញតារាប្រុសរូបនេះថតរូបបង្ហោះលើបណ្ដាញសង្គមជាមួយម៉ាក់ បង្ហាញភាពស្និទ្ធស្នាលយ៉ាងមានក្ដីសុខ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង​ ថ្មីៗនេះ Dome Pakorn បានធ្វើឲ្យអ្នកគាំទ្ររំភើបនឹងទង្វើរលោកជាថ្មីម្ដងទៀត ខណៈនាំម៉ាក់ទៅដើរលេងនៅសមុទ្រ ក្រោយមានពេលទំនេរសម្រាកពីការងារយ៉ាងដូច្នេះ។ ហើយរូបភាពជាច្រើនសន្លឹកដែលតារារូបនេះបង្ហោះ គេឃើញទឹកមុខម៉ាក់តារារូបនេះញញឹម សើចសប្បាយរីករាយខ្លាំង ស្របពេលបានកូននាំដើរលេង។ គួរបញ្ជាក់ផងដែរ នេះមិនមែនជាលើទី១ឡើយ ដែលសិល្បករសង្ហាប្រចាំប្រទេសថៃរួបនេះ នាំម៉ាក់ខ្លួនទៅដើរលឹងលំហាយកាយ បន្ធូរអារម្មណ៍បែបនេះ៕

សូមទស្សនារួបភាពខាងក្រោម៖ 

• រូបភាព
• តារាថៃ