Han Seo Hee ប្រឈមនឹងជាប់ពន្ធនាគារមួយឆ្នាំ ព្រោះមូលហេតុនេះ

កូរ៉េខាងត្បូង៖ កាលពីពេលថ្មីៗនេះ អយ្យការតំណាងឱ្យតុលាការស្រុក Suwon បានអំពាវនាវឱ្យផ្តន្ទាទោសឱ្យជាប់ពន្ធនាគាររយៈពេល 1 ឆ្នាំ ចំពោះអតីតគ្រូហ្វឹកហាត់តារា Han Seo Hee ដែលបច្ចុប្បន្នកំពុងប្រឈមមុខនឹងការចោទប្រកាន់ពីបទប្រើប្រាស់គ្រឿងញៀនខុសច្បាប់ជាលើកទីពីររបស់នាង។

សូមរំលឹកផងដែរថា កាលពីខែសីហា ឆ្នាំ ២០២០ តារាស្រី Han Seo Hee ត្រូវបានឃុំខ្លួន បន្ទាប់ពីធ្វើតេស្តវិជ្ជមានចំពោះសារធាតុញៀនមេតំហ្វេតាមីន អំឡុងពេលធ្វើតេស្តរកសារធាតុញៀនជាប្រចាំ។ ពេល​នោះ នាង​ស្ថិត​នៅ​ក្នុង​ការឃ្លាំមើល រយៈពេល​៣​ឆ្នាំ ចំពោះ​បទ​ល្មើស​ប្រើ​ប្រាស់​ថ្នាំ​ញៀន​មេតំហ្វេតាមីន​លើក​ដំបូង​កាល​ពី​ឆ្នាំ​២០១៦។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ ជាលទ្ធផល តំណាងអយ្យការបានស្នើសុំឱ្យមានការព្យួរទោសព្យួរទោស Han Seo Hee ជាបន្ទាន់។ លុះក្រោយមក សេវាកោសល្យវិច្ឆ័យជាតិបានធ្វើតេស្ដសក់លើ Han Seo Hee ដោយលទ្ធផលតេស្តចេញមកអវិជ្ជមាន។

តែយ៉ាងណា Han Seo Hee បច្ចុប្បន្ន កំពុងបដិសេធការចោទប្រកាន់លើការប្រើប្រាស់គ្រឿងញៀនក្នុងអំឡុងពេលសាកល្បងរបស់នាង ដោយអះអាងថាមានកំហុសក្នុងការធ្វើតេស្តទឹកនោមតាមគ្លីនិក ចាប់ពីខែកក្កដា ឆ្នាំ 2020។ទន្ទឹមនឹងនេះ Han Seo Hee និង​អយ្យការ​នឹង​ចូលរួម​សវនាការ​នៅ​ចុង​ខែ​នេះ​នៅ​ថ្ងៃ​ទី ១៧ ខែ​វិច្ឆិកា៕

ប្រភព៖ Allkpop