ស្អាតប៉ុណ្ណឹងហើយ Guan Xiaotong នៅមានគេដៀលថា មិនហាយសូរដូច Gulinazha

ចិន៖ នៅថ្ងៃទី ២ ខែវិច្ឆិកា មានព្រឹត្តិការណ៍ឃោសនារបស់ម៉ាកសំលៀកបំពាក់ដ៏ពេញនិយមមួយ ដែលបានធ្វើឡើង នៅទីក្រុងសៀងហៃ ហើយអ្វី​ដែល​គួរឲ្យចាប់អារម្មណ៍នោះ តារាស្រីដ៏ស្រស់សោភា ២ ដួង Gulinazha និង Guan Xiaotong ក៏បានមកចូលរួមជាមួយគ្នាដែរ។

យ៉ាងណាមិញ បើទោះបីជា មិនទាន់មានរូបភាពផ្លូវការណាមួយ ដែលត្រូវបានចេញផ្សាយដោយអ្នកបង្កើតកម្មវិធីក៏ដោយ ប៉ុន្តែរូបភាពរបស់អ្នកទាំងពីរ ដែលត្រូវបានចែករំលែកដោយអ្នកទស្សនា នៅលើ Weibo បានក្លាយជាប្រធានបទដ៏ចម្រូងចម្រាសយ៉ាងខ្លាំង ក្នុងពេលដែលបានប្រៀបធៀបសម្រស់គ្នាទៅវិញទៅមក។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ ជាមួយនឹងរូបថត ដែលតារាស្រីទាំងពីររូប បានឈរទន្ទឹមគ្នានោះ តារាស្រី Gulinazha បានបង្ហាញ​ខ្លួន​ ជា​មួយ​នឹង​រ៉ូប​វាលដើម​ទ្រូង​ជ្រៅ បង្អួតសម្រស់ដ៏ទាក់ទាញ ទាំងមុខមាត់ និងរូបរាងរបស់នាងដ៏មានមន្តស្នេហ៍ ប៉ុន្តែ តារាស្រីវ័យក្មេង Guan Xiaotong បែរជាត្រូវគេមើលឃើញថា នាងតុបតែងខ្លួនធម្មតា ក្នុងឈុតពណ៌ស មិនមានភាពស៊ីវីល័យ ពេលឈរ​ក្បែរ​តារាស្រី Gulinazha និងធ្វើឲ្យហ្វេនៗជាច្រើន ខកបំណង ដោយសារតែសម្លៀកបំពាក់រងបស់នាង ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន