ហុងកុង៖ នៅថ្ងៃទី ៤ ខែវិច្ឆិកាកន្លងទៅនេះ យោងតាម ប្រភព On បានរាយការណ៍ថា តុលាការហុងកុងបានកាត់ក្តីចំពោះ តារាសម្តែងប្រុស លោក Mat Yeung បន្ទាប់ពី បង្កឧប្បត្តិហេតុ បណ្តាលឱ្យមានគ្រោះថ្នាក់ចរាចរណ៍ ដែលនៅក្នុងនោះ តារាសម្ដែង TVB រូបនេះ ត្រូវបានកាត់ទោសឲ្យជាប់ពន្ធនាគាររយៈពេល ១៨ថ្ងៃ និង ព្យួរប័ណ្ណបើកបររយៈពេល ២ឆ្នាំ ព្រមទាំងពិន័យជាទឹកប្រាក់ចំនួន ៣៨៥ ដុល្លារអាមេរិក។
មិនត្រឹមតែប៉ុណ្ណោះ តាមប្រភពដដែលនេះ លោក Mat Yeung បានយំសោក បន្ទាប់ពីបានស្តាប់សាលក្រមរបស់តុលាការកាត់ក្ដីរួច។ ហើយតាមប្រភពមួយទៀត ពី HK01 បាននិយាយថា ការដាក់ទណ្ឌកម្មនេះ បានធ្វើឱ្យមានផលប៉ះពាល់យ៉ាងខ្លាំង ដល់កេរ្តិ៍ឈ្មោះរបស់សិល្បករប្រុសរូបនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួររំលឹកផងដែរថា កាលពីខែសីហា ឆ្នាំ ២០២០ កន្លងទៅ តារាប្រុសរូបនេះ ក៏ធ្លាប់ត្រូវបានចាប់ខ្លួនផងដែរ ពីបទបើកបរ ក្រោមឥទ្ធិពលនៃគ្រឿងស្រវឹង និងបង្កគ្រោះថ្នាក់ចរាចរណ៍ ដោយរថយន្តដែលលោកបានបើកនោះ បានជ្រុលទៅបុករបាំងថ្មចែកទ្រូងផ្លូវ ហើយនៅកន្លែងកើតហេតុ តារាប្រុសរូបនេះ មិនអាចដើរបានដោយខ្លួនឯងទេ ថែមទាំងសន្លប់ដោយសារស្រវឹងស្រា ទៀតផង។ ដោយកំហាប់ជាតិអាល់កុលក្នុងឈាមរបស់តារាសម្តែងរូបនេះ នៅពេលមានគ្រោះថ្នាក់ លើសពីដែនកំណត់ ដូច្នេះ ប័ណ្ណបើកបររបស់លោក ក៏ត្រូវបានដកហូត៕
ប្រភព៖ Zingnews
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
