ស្អាតធម្មជាតិគ្មានការវះកាត់! សម្រស់តារាស្រីរូបនេះ ល្បីខ្លាំង កាលជំនាន់ទសវត្សឆ្នាំ៦០ និង៧០

តារាកម្សាន្ត÷ ប្រទេសកម្ពុជាក្នុងសម័យសង្គមរាស្រ្តនិយម ត្រូវបានបរទេសទទួលស្គាល់ថា ជាគ្រាប់ពេជ្រនៅតំបន់អាស៊ី ដែលមានពោរពេញដោយសិល្បៈយ៉ាងសម្បូរបែប។ ជាក់ស្តែងតារាសម្តែងវិញទៀតសោតក៏មានភាពល្បីល្បាញទាំងនៅក្នុងប្រទេស និងល្បីឈ្មោះដល់ក្រៅប្រទេសថែមទៀត ដោយសារតែភាពស្រស់ស្អាត គួបផ្សំនឹងសមត្ថភាពសម្តែងយ៉ាងប៉ិនប្រសប់ដែលធ្វើឲ្យវិស័យសិល្បៈ:ខ្សែភាពយន្តខ្មែរនាជំនាន់នោះ ល្បីសុះសាយទាំងក្នុងតំបន់ រហូតប្រទេសជិតខាងមួយចំនួនសុំទិញកុនយកទៅចាក់បញ្ចាំងបន្តថែមទៀតផង។

យ៉ាងណាមិញ នៅក្នុងចំណោមតារាសម្តែងល្បីៗនាជំនាន់នោះ លោកស្រីស៊ុន ឡេវ៉ា តារាភាពយន្តខ្មែរដ៏ល្បីល្បាញ និងមានឈ្មោះនៅក្នុងសិល្បៈថា "ឈូករតន៍" ត្រូវបានទទួលស្គាល់ថាជាតារាស្រីខ្មែរមួយរូបដ៏មានសម្រស់ស្រស់ស្អាតបែបធម្មជាតិ ទម្រង់មុខល្អគន់ សាកសមជានារីខ្មែរពិតៗតែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលថា លោកស្រី "ឈូករតន៍" បានសម្ដែងរឿងដំបូងបង្អស់នៅក្នុងខ្សែភាពយន្តខ្មែរមួយមានចំណងជេីងថា "បិសាចក្រមុំ" នៃផលិតកម្មហេមពាន្តភាពយន្ត ដឹកនាំដោយលោកលី យូស្រ៊ាង ដោយទទួលបានការគាំទ្រពីសំណាក់មហាជនខ្មែរនាជំនាន់នោះជាខ្លាំង៕

ចង់ឃើញថាតើតារាស្រីរូបនេះស្រស់ស្អាតយ៉ាងណានោះ សូមទស្សនារូបភាពខាងក្រោមទាំងអស់គ្នា÷

• រូបភាព
• តារាខ្មែរ