រៀបការច្រើនឆ្នាំមិនទាន់មានកូន Jooy និង Push ប្រើជីវិតប្តីប្រពន្ធ ផ្អែមល្ហែមដូចគូសង្សារ

ថៃ៖ ជាការពិតណាស់ ជីវិតប្ដីប្រពន្ធរបស់តារាសម្ដែងប្រុស Push Puttichai  និងតារាសម្ដែងស្រី Jooy Warattaya ទោះបីជាស្រលាញ់គ្នា និងរៀបការមកជាយូរហើយក៏ពិតមែន ប៉ុន្តែពួកគេនៅតែមានសម្ព័ន្ធភាពល្អជាមួយគ្នា និងស្រលាញ់គ្នាកាន់តែខ្លាំង មិនរង្គោះរង្គើដូចគូផ្សេងៗឡើយ។   

យ៉ាងណាមិញ ជាគូស្វាមីភរិយា ដែលបានរៀបការ និងរស់នៅជាមួយគ្នាអស់រយៈពេលជាយូរមកហើយ Push និង ភរិយា Jooy បានធ្វើឲ្យអ្នកគាំទ្រ កំពុងរង់ចាំពីដំណឹងល្អដែលជាទាយាទនៅក្នុងគ្រួសាររបស់អ្នកទាំងពីរ​​​​​ ព្រោះមកទល់នឹងពេលនេះ  ប្ដីប្រពន្ធអ្នកទាំងពីរមិនទាន់ទទួលបានកូនប្រុសស្រី ជាចំណងដៃនៅឡើយទេ។   

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះទៀត ពីមួយថ្ងៃទៅមួយថ្ងៃ សកម្មភាពគ្រួសាររបស់តារាទាំងពីរនេះ គឺតែងតែបានធ្វើឲ្យហ្វេនៗគ្រប់គ្នា មានការពេញចិត្ត និងលួចច្រណែនជាមួយនឹងពួកគេជាញឹកញាប់ផងដែរ ព្រោះថាសកម្មភាពទាំងនោះ មិនត្រឹមតែបង្ហាញពីជីវិតគ្រួសារដ៏មានសុភមង្គលប៉ុណ្ណោះទេ តែថែមទាំងមានលាយលំជាមួយនឹងសកម្មភាពស្វីតៗជាច្រើន ដែលអ្នកណាៗឃើញហើយក៏ប្រាថ្នាចង់បានបែបនេះដូចគ្នា ។

អ្វីដែលពិសេស និងកាន់តែចាប់អារម្មណ៍ គឺប្ដីប្រពន្ធមួយគូនេះ ពួកគេតែងតែផ្ដិតយករូបភាពរួមគ្នាជាច្រើនសន្លឹក ហើយបង្ហោះលើបណ្ដាញសង្គម ដែលក្នុងនោះ ពួកគេបានបង្ហាញកាយវិការ អោបថើបកៀកកើយគ្នាយ៉ាងស្វីត ពោរពេញដោយស្នាមញញឹម និងក្ដីស្រលាញ់ដូចជាគូសង្សារថ្មីថ្មោងអញ្ចឹង៕

សូមទស្សនារូបភាពខាងក្រោម៖

• គ្រួសារ
• ស្នេហា
• តារាថៃ