ក្រោយដឹង តាសង់ ស៊ីស ប្រកាសលក់ផ្ទះដោះបំណុល ព្រាប​ សុវត្ថិ ប្រកាសជួយទឹកប្រាក់...

រាជធានីភ្នំពេញ៖ ប្រិយមិត្ត ជ្រាបរួចមកហើយដែល តារាកំប្លែងតាសង់ស៊ីស​ នាពេលថ្មីៗនេះ ប្រកាសលក់ផ្ទះរបស់លោក ដើម្បីសងបំណុលគេប្រមាណ ១០ម៉ឺនដុល្លារ តែក្រោយមកពីមហាជនមួយចំនួន បានដឹងពីព័ត៍មាននេះ ក៏មានសប្បុរសជន ទាំងក្នុង និងក្រៅប្រទេស បានជួយរូបលោកជាថវិកា ប្រមាណ ៥៧៧៨ ដុល្លារអាមេរិក ដោយលោកតា សង់ស៊ីស ពុំបានប្រកាសសុំជំនួយនោះទេ។

ដោយឡែក ក្នុងនោះដែរ យោងតាមការបង្ហោះរបស់សមាគមមិត្តសិល្បៈស្ម័គ្រចិត្តជួយសង្គម បានប្រកាសនៅលើទំព័រហ្វេសប៊ុករបស់ខ្លួនឱ្យដឹងថា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កំពូលតារាចម្រៀង ព្រាប សុវត្ថិ បានឧបត្ថម្ភថវិកា ចំនួន ២ លានរៀល ជូនដល់តារាកំប្លែងជើងចាស់ លោក​ សង់ ស៊ីស តាមរយៈសមាគមមិត្តសិល្បៈស័្មគ្រចិត្តជួយសង្គម ដែលកំពុងជួបប្រទះនូវជីវភាពខ្វះខាត។

សូមរំលឹកផងដែរថា កាលពីប៉ុន្មានថ្ងៃកន្លងមកនេះ តាមរយៈបទសម្ភាសន៍មួយជាមួយលោក អ៊ឹម ជីវ៉ា គ្រួសារលោកតាសង់ស៊ីស ប្រកាសអំពាវនាវឱ្យមហាជន ជួយទិញផ្ទះ ក្នុងគោលបំណងយកប្រាក់ ដើម្បីដោះបំណុល៕