អុញនុះ! Lay ចេញមុខបកស្រាយ រឿងមាន… ជាមួយអ្នកគាំទ្រនារីម្នាក់

ចិន៖ នៅថ្ងៃទី ៦ ខែវិច្ឆិកា កន្លងទៅ យោងតាម ទំព័រ 163 បានរាយការណ៍ថា តារាចម្រៀងប្រុស លោក Zhang Yixing ឬ Lay បានចេញសេចក្តីថ្លែងការណ៍បដិសេធ មិនមានកូនជាមួយនឹងអ្នកគាំទ្រនារីម្នាក់ ដោយរូបលោក បានបញ្ជាក់​ថា ​នឹង​ប្រើ​វិធានការ​ខ្លាំងបំផុត ​ចំពោះ​អ្នក​ដែល​ផ្សព្វផ្សាយ​ព័ត៌មាន​មិន​ពិត​ ព្រមទាំងបានអរគុណ​ចំពោះ​ ការ​អន្តរាគមន៍​ពី​ច្បាប់ ​ដើម្បី​ការពារ​កិត្តិយស របស់ខ្លួន។

រឿងហេតុនេះបានកើតឡើង ដោយកាលពីមុននោះ ស្រាប់តែព័ត៌មានថា មានតារាចម្រៀងប្រុសដ៏ល្បីមួយរូប បានមានទំនាក់ទំនង ជាមួយនឹងអ្នកគាំទ្រម្នាក់ និងបានទាក់ទាញការចាប់អារម្មណ៍យ៉ាងខ្លាំង ជាពិសេស ថែមទាំង បង្ហើបថា នារីរូបនោះមានផ្ទៃពោះ ប៉ុន្តែបែរមិនព្រម រួចក៏បង្ខំឲ្យរំលូតកូន ទៀតផង។ មិនត្រឹមតែប៉ុណ្ណោះ បើយោងតាមទិន្នន័យ ដែលផ្តល់ដោយអ្នកជំនាញ បានធ្វើឲ្យមនុស្សមួយចំនួន ជឿជាក់ថា តារារូបនេះគឺជា លោក Zhang Yixing ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ តាមប្រភពដដែល ក៏បានលើកឡើងថា ចាប់តាំងពី បានចាប់ផ្តើមអាជីពនេះមក រហូតមកដល់ពេលនេះ លោក Zhang Yixing មិនដែលបង្ហាញរឿងរ៉ាវស្នេហារបស់ខ្លួនជាសាធារណៈទេ។ ហើយ កាល​ពី​ខែ​មករា តារា​ចម្រៀង​ប្រុស​រូប​នេះ ក៏​បាន​បដិសេធ​ ពីរឿង​មាន​ស្នេហា​ម្ដងរួចទៅហើយ ដូច្នេះ​ទើប​ជីវិត​ឯកជន​របស់​លោក តែងតែ​ទទួល​បាន​ការ​ចាប់អារម្មណ៍ជាពិសេស ​ពី​សាធារណៈជន៕

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន