បរទេស៖ ថ្មីៗនេះ យោងតាមប្រភពបរទេសមួយ បាននិយាយថា តារាម៉ូដែលស្រី Kylie Jenner ព្រមទាំងកូនស្រីរបស់នាង បានមានវត្តមាន នៅក្នុងពិធីបុណ្យតន្ត្រី Astroworld Festival ហើយនៅក្នុងនោះ តារាស្រីរូបនេះ បានស្ថិតក្នុងទីតាំង ដែលមានចម្ងាយតែប៉ុន្មានម៉ែត្រប៉ុណ្ណោះ ពីកន្លែងដែលមានភាពចលាចលវឹកវរ ផងដែរ។ តែទោះជាយ៉ាងណា នាង និងកូនស្រី មានសំណាងបានរត់គេចខ្លួន នៅពេលដែលមានភាពវឹកវរ និងបណ្ដាលឲ្យមានមនុស្សស្លាប់។
ជាពិសេសនោះដែរ នៅមុនពេលកើតហេតុមិនយូរប៉ុន្មាន តារាស្រីរូបនេះ ថែមទាំងបានចែករំលែក វីដេអូពីក្រោយឆាក និងឃ្លីប បង្ហាញឲ្យឃើញពី ហ្វូងមនុស្ស ដែលបានចូលរួមកម្មវិធីតន្ត្រីមួយនេះ។ យ៉ាងណាមិញ ជាមួយនឹងភាពចលាចលនេះ បានធ្វើឲ្យមនុស្ស ចំនួន ៨ នាក់ បានស្លាប់ និងរាប់រយនាក់ទៀត បានរងរបួស នៅក្នុងអំឡុង រាត្រីបើកពិធីបុណ្យ Astroworld។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខាងមន្ត្រីនៅរដ្ឋ Texas បាននិយាយថា ហ្វូងមនុស្ស បានចាប់ផ្តើមប្រមូលផ្តុំគ្នា នៅមុខឆាក ក្នុងម៉ោងប្រហែល ៩ និង ១៥ នាទីយប់ម៉ោងក្នុងស្រុក ដោយបានបង្កឱ្យមានការភ័យស្លន់ស្លោ។ ហើយប៉ូលិស និងកងពន្លត់អគ្គិភ័យ បានព្យាយាមទប់ស្កាត់ស្ថានការណ៍ ប៉ុន្តែនៅតែច្រើនលើសលប់ ទប់មិនឈ្នះ ។ ក្នុងនោះដែរ សូម្បីតែតារារ៉េប លោក Travis Scott និងអ្នករៀបចំព្រឹត្តិការណ៍ បានបញ្ឈប់កម្មវិធីលឿន ជាងការរំពឹងទុក ដោយសារតែមនុស្សជាច្រើន បានរងរបួស ផងដែរ៕
ប្រភព៖ Ngoisao.vn
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
